肥公車仔麵 (Closed)

喺旺角熱鬧嘅鬧市入邊想搵平嘅嘢食真係好難，二一間係舊區近大角咀嘅肥公車仔麵就係唔錯之選。二間車仔麵已經開左超過10年由細細個已經食過好多次，每次嚟到出面都悠長嘅人龍，但職員做嘢手腳快所以好快就排到，所以習慣黎到喺門口叫咗嘢食先至搵位。依度除咗價錢平之外，款式多而且份量亦都唔少，比起深水埗某車仔麵，CP值高好多。依度啲河粉好滑所以每次嚟到我都會叫，呢度啲牛肚係草肚夠晒林同入味，牛腩比得好大舊又連左啲根好正。(不過建議可以剪細舊一啲，方便入口)豬腸亦都好新鮮唔會太多肥膏，配車仔面一流。兩個人叫咗咁多個餸同一枝大可樂，都係大約$70左右真係好抵食。