水門雞飯 (萬勤商業大廈)

Open Now

Now Closed

水門雞飯終於係尖沙咀開左分店，既然方便過入大埔食，當然要去一試啦。小弟點左水門雞飯，秘汁泰式生蝦同埋泰式炒通菜。水門雞飯可以加$10轉雞脾/加雞脾。小弟覺得無咩所謂，所以無加錢要飯雞脾喇。雞件好滑，好香雞味；油飯都好好食。秘汁泰式生蝦只感覺到辣味，小弟食唔出秘汁既味道。泰式炒通菜帶少少辣味，味道唔錯，唔好睇碟仔細細，其實份量超多。整體黎講，用依個咁既價錢，食到咁既質素既雞飯，其實真係好抵，個人認為大家唔好抱怨依樣抱怨果樣囉。