熊貓小雲吞 (黃埔天地) (Closed)

原來熊貓小雲吞已經開到嚟黃埔🎉今次黃埔呢間就係開喺AEON地庫入面嘅food court，佢呢到係出名食一啲麻辣米線同小雲吞嘅，價錢都超級扺👍🏻呢度嘅街坊或者喺附近返工嘅朋友，呢度食晏可以話平靚正😋😋今次我哋叫咗一口豚肉雲吞(人氣重慶酸辣湯底配米線)🍜淨雲吞叫咗一個粟米豚肉淨雲吞同埋鮮蝦豚肉淨雲吞🥟 另外仲加咗一個手撕雞🐔同埋一個紅糖糍粑做甜品🍮估唔到嗰個重慶酸辣湯底米線都幾夠辣，食到流晒汗🤣🤣啱晒冬天呢啲天氣😍至於小雲吞，由於真係「小」雲吞，但係有數量搭夠，都食到好飽😋紅糖糍粑熱辣辣啱啱炸起，外脆內軟😍😍不過呢個建議堂食好啲🥤嘢飲叫咗一個雪梨一個蜜桃同埋一個冷泡黃金大麥茶，跟餐叫做可以平少少👍🏻咁樣食法，加埋都唔使兩舊水😍