船皇 (大埔超級城) (Closed)

咁啱想食泰國野，經過見到有二人餐好似幾吸引，就同朋友黎左食。佢係自己搵位，然後落完單自己拎野食果種快餐店形式。我哋嗌左二人餐，揀左︰香葉肉碎煎蛋飯、泰式炒金邊粉、泰式龍眼冰、泰式菠蘿冰。串燒就嗌左魚餅、魷魚鬚、沙嗲牛肉、豬頸肉。聽落都覺得好多野，結果我哋兩個細食量既人真係食唔哂食物既份量超多，座位舒服。二人餐menu食物合照香葉肉碎煎蛋飯︰超多肉碎，加埋隻蛋真係超吸引，隻蛋煎得好香好脆，肉碎同飯既味道好夾，食到停唔到口泰式炒金邊粉︰少少辣，好香，有幾隻蝦，爽口彈牙泰式龍眼冰、泰式菠蘿冰︰佢用個碗仔裝住，好搞笑。有好多果肉，幾甜幾好飲魚餅、魷魚鬚、沙嗲牛肉、豬頸肉︰幾香，略嫌味道唔太突出整體黎講，價錢非常公道，超抵食，二人餐超飽。食物唔錯，店員好有禮貌，環境舒適。舖頭既位置都方便，係超級城一個幾唔錯既選擇。