京香閣 (Closed)

同屋企人食飯，大多選擇中式菜，之前聽朋友講過，有間京菜自助餐，質素唔錯，今天去試下京香閣位於上環，好近地鐵站，十分方便每位奉送砂鍋花膠雞湯及原隻鮑魚花菇花膠雞湯，補一補先，湯入口熱辣辣，味道鮮甜鮑魚炆得啱啱好，唔靭，花菇好厚身，有口感食物種類豐富，有片皮鴨，多款前菜，熱食及甜品可供選擇，還有些點心可以即叫即蒸添片皮鴨唔肥，加埋京蔥，青瓜及哈蜜瓜一起進食，味道更有層次蒜拍靑瓜蒜味香濃，靑瓜爽脆又多汁醉雞好出色，雞肉幼滑，酒味十分濃郁相比醉蝦酒味比較淡小籠包，包皮好薄，裡面肉質鮮美又多汁翠玉瓜蝦仁，翠玉瓜爽脆，蝦仁size 唔細，新鮮，爽口又彈牙，蘸埋黑醋，味道提升哂，忍不住食多一碟樟茶鴨，一入囗，煙熏味出哂來，鴨肉幼嫩多汁如果唔想飲汽水，可以揀豆漿，豆漿冰涼唔甜