牛品台式火鍋

Open Now

Now Closed

今日同同事出job去咗尖沙咀做嘢，做完嘢，佢哋話去打邊爐，我未試過打台式火鍋，一於去試吓。去到呢度地方都幾大，安排咗卡位俾我哋坐，講到食嘢，真係舒服！今日我哋揀咗夏日限定湯底，蟲草花白玉藏珍鍋，蟲草花養生，冬瓜又啱晒咁熱嘅夏天消暑。嚟到個湯底好吸睛😍好靚！飲啖個湯底，都好鮮甜。響度惠顧晚市，可以送一杯春陽茶事茶飲，我揀咗金桔檸檬，茶品清新。😊個餐仲有一人一隻鮑魚，新鮮又爽口。😃原來台式火鍋可以點嘅台式小食，我哋點咗炸花枝丸，又脆又彈牙；甜不辣夠晒煙靭；皮蛋豆腐，皮蛋香同香滑嘅豆腐好夾。除咗點既熟食，自助區仲有其他熟食可以選擇，例如涼拌青瓜、滷水蘿蔔、滷水豬肚等等！當然唔少得火鍋配料，出邊嘅火鍋配件選擇好多，有不同種類嘅蔬菜、瓜類、丸類，應有盡有。 我哋用手機點咗啲肉類，美國牛小排淥完牛味重好濃，入口即化；西班牙粟飼豬五花淥完肉質爽口，非常美味。最後我哋響出邊食埋雪糕，台灣甜品綿綿冰同任芋圓，就為呢餐晚餐作完美嘅句號。😋