Video
Read full review
2022-04-14
635 views
抵食公道陳新記去咗鴨脷洲大街市政中心既陳新記醫肚，之前已經有聽講過呢間野有兩種食法一係喺樓下街市買海鮮上去加工二係食佢既招牌野食。一口西多士，炸三寶，豬手、牛腩、招牌魚湯底粉面人多緊係可以食曬兩種食法啦。但係今日得四個人，你眼望我眼邊食到咁多，不過都決定放假都對自己好啲，整番個海鮮大餐慰勞下自己😍入到去個環境同普通市政中心一樣，正正常常無咩特別，老闆問我地食粉面定海鮮加工，我哋其中有個團友突然想食面，於是就問係咪唔可以撈埋？佢話可以，其實嗌乜都得，就叫我地揾佢新抱落海鮮單講低點整新抱仔話由於二人一枱關係要分開兩枱坐，就安排我地企埋一個唔會撞到既位置等位，夠細心！加分👍🏻好快就可以坐底，仲安排到兩張附近枱比我地，好彩唔洗坐到好遠，仲比左幾隻碟我地分食物用叫左碟炸三寶，四個人叫左份細Size，三寶入面有魚皮，魚角，炸雲吞，炸到剛剛好，魚皮唔腥又唔會好油膩，香口脆卜卜，魚角外脆內彈牙，雲吞脆薄香口，三樣野不分高下，唯我獨愛魚皮多D👍🏻👍🏻呢碟一口西多士係新抱仔推介，佢話係黎到必食既，一上枱，粒粒大小均一，舖滿鍊奶同花生醬，大方唔孤寒，咬一啖外脆內軟，充滿蛋香，夾埋啲醬好好味，果然係必食！👍🏻
去咗鴨脷洲大街市政中心既陳新記醫肚，之前已經有聽講過呢間野有兩種食法
一係喺樓下街市買海鮮上去加工
二係食佢既招牌野食。一口西多士，炸三寶，豬手、牛腩、招牌魚湯底粉面
人多緊係可以食曬兩種食法啦。但係今日得四個人，你眼望我眼邊食到咁多，不過都決定放假都對自己好啲，整番個海鮮大餐慰勞下自己😍
入到去個環境同普通市政中心一樣，正正常常無咩特別，老闆問我地食粉面定海鮮加工，我哋其中有個團友突然想食面，於是就問係咪唔可以撈埋？佢話可以，其實嗌乜都得，就叫我地揾佢新抱落海鮮單講低點整
新抱仔話由於二人一枱關係要分開兩枱坐，就安排我地企埋一個唔會撞到既位置等位，夠細心！加分👍🏻
好快就可以坐底，仲安排到兩張附近枱比我地，好彩唔洗坐到好遠，仲比左幾隻碟我地分食物用
叫左碟炸三寶，四個人叫左份細Size，三寶入面有魚皮，魚角，炸雲吞，炸到剛剛好，魚皮唔腥又唔會好油膩，香口脆卜卜，魚角外脆內彈牙，雲吞脆薄香口，三樣野不分高下，唯我獨愛魚皮多D👍🏻👍🏻
呢碟一口西多士係新抱仔推介，佢話係黎到必食既，一上枱，粒粒大小均一，舖滿鍊奶同花生醬，大方唔孤寒，咬一啖外脆內軟，充滿蛋香，夾埋啲醬好好味，果然係必食！👍🏻👍🏻👍🏻
不過呢度有個問題就係等位啲人鐘意亂咁四圍企，想去洗手間洗個手都差啲撞到後面企喺度果個，今時今日二人限聚令，見到7個人食海鮮真係玩死店家
不過令人好驚喜既係個廁所竟然非常乾淨👍🏻👍🏻👍🏻👍🏻
椒鹽鮑魚，推介，呢個食法係外面係食唔到既，問完新抱仔，佢話個椒鹽粉係每日自家制作，獨家野嚟👍🏻👍🏻👍🏻👍🏻👍🏻
蒜蓉粉絲蒸扇貝，火喉剛剛好，唔會過老👍🏻👍🏻👍🏻👍🏻👍🏻
白灼赤米，原汁原味👍🏻👍🏻👍🏻👍🏻👍🏻
蒜蓉粉絲蒸蟶子，我特別鐘意食蒜蓉粉絲蒸，一樣無過火，肉質爽口彈牙👍🏻👍🏻👍🏻👍🏻👍🏻
豉椒炒花甲王，惹味又唔甩肉，好好食啊👍🏻👍🏻👍🏻👍🏻
魚，我唔食魚所以我無食過，但朋友話蒸得岩岩好👍🏻👍🏻👍🏻👍🏻👍🏻
可樂12蚊叫左5罐
一口粒粒西多士33蚊
招牌炸3寶63蚊
海鮮加工費咁多只係收375
食完番都屋企都唔會好口渴，味道取自海鮮原有味道，唔會太多味精
成餐都係500，性價比極高，仲要唔收加一但係有加一既服務，滿意！
Post
