樂翻天 (Closed)

又一間用心煮好食既台灣菜餐廳，餐牌有好多dinner set選擇，價錢大約$65，每個set既餸都好豐富。叫左dinner set($65)，個set包肉燥/滷肉飯+鹽酥雞扒+大腸紅麵線羹+飲品，宜蘭香蔥餅(跟餐加配$18)，阿伯來手抓餅吞拿魚沙律($38)。一大個碗裝住滷肉飯，大量滷肉，主要係瘦肉為主，味道較清淡，亦配有幾片醃蘿蔔。男仔食，一定夠飽，因為真係好大碗。如果食慣口味重既人，可能會覺得滷肉味唔重，不過個人覺得唔錯。鹽酥雞扒既調味就會重，因為撒左香料粉，所以味道濃d。雞扒炸得好脆，炸皮唔厚，而且雞扒大塊多汁，雞肉仲係嫩既。大腸紅麵線羹用細碗裝，但份量都唔細，啖啖都食到大腸，而且麵線唔會煮到爛哂。湯羹味道唔會過鹹，加d醋食就一流。跟餐加錢配既香蔥餅，煎得夠香，外層少少焦脆，放左一陣先食，內餡仍然好熱。一咬就好多汁流出黎，仲有好大陣香蔥味。手抓餅即叫即整，餅皮做到酥皮狀況，吞拿魚沙律餡料擠滿係手抓餅入面，仲有厚厚既煎雞蛋，粟米粒，足料。重點係食完唔油膩。珍珠奶綠(跟餐加配$5)，好重綠茶味，而且珍珠冇煮過‘林’，而且飲唔哂，可以拎走個杯添。因為係用外帶方式既杯裝。整體，真係好好好