自家製韓國刀削麵 (山林道)

Open Now

Now Closed

前排尖沙嘴開咗間自家製刀削麵店，係人氣韓國炸雞品牌嘅副線，開業冇耐已深受大家歡迎。店內裝潢行簡約風，莫名有種家嘅感覺，十分溫馨。午餐時段更有套餐，性價比甚高。私心推介牛骨湯刀削麵，湯底採用牛肉同牛骨熬至而成，啖啖牛肉香氣，飲落暖胃，要加湯呀！牛肉軟嫩，刀削麵Q彈，煙煙韌韌，令人一試難忘。上面仲有紫菜、雞蛋絲等，睇得又食得。另外有豆汁冷麵，以冷豆漿湯底代替湯汁，第一次見，有豆同芝麻香，唔算好濃，配上青瓜絲、黑芝麻等配料，感覺清爽，開胃，夏天食比較適合。小食有海鮮韭菜煎餅，四大片，薄薄一層，香而不膩，下次要叫埋大大粒嘅餃子。