Video
Read full review
2024-12-18
354 views
🌸招牌壽喜燒二人套餐🌸 $548呢個餐係超級多嘢食！🥩招牌關西風壽喜燒其實我之前去日本都未食過呢種薄燒嘅壽喜燒🥹不過今次喺香港終於食到～呢個壽喜燒套餐包括嘅肉肉有：茶美豚、美國極黑牛頸脊、岩手縣和牛 和牛嘅部份油花分布得好均勻，而且店員會用牛油幫你燒到啱啱好，唔會過分生，亦都唔會過分熟🥰食落勁牛香油香味，而且入口即化😍加埋蛋汁一齊食個口感極香滑而壽喜燒個汁都好正宗關西風，都係用咗醬油、砂糖、味醂去調味～所以味道呢係偏甜嘅🥗日式蔬菜拼盤之後就會加啲水落個鍋度煮埋啲蔬菜，咁啲蔬菜就完全索晒啲湯汁嘅味，所以甜甜地超級入味～🖤黑松露燉飯食到咁上下差唔多嘅時候，店員就會加埋側邊碗黑松露飯落去，將佢整做一個Risotto🥘 成個Risotto係又有黑松露香，又勁重芝士味同埋cream and butter味😈 成件事真係勁邪惡🤣啲飯仲要拉到絲！ 不過我哋就嫌個壽喜燒汁加埋落啲飯都係偏甜，所以就要求咗店員幫我哋再加啲水去令到個味道平均啲～ 壽喜燒risotto都幾特別🧀芝士燒蠔本身呢一個係串燒拼盤嚟～但由今日開始就會變咗芝士燒蠔～我自己覺得啲蠔都幾多好新鮮好肥美，都幾大隻～雖然芝士汁就稀咗少少，但係
呢個餐係超級多嘢食！
🥩招牌關西風壽喜燒
其實我之前去日本都未食過呢種薄燒嘅壽喜燒🥹不過今次喺香港終於食到～呢個壽喜燒套餐包括嘅肉肉有：茶美豚、美國極黑牛頸脊、岩手縣和牛 和牛嘅部份油花分布得好均勻，而且店員會用牛油幫你燒到啱啱好，唔會過分生，亦都唔會過分熟🥰食落勁牛香油香味，而且入口即化😍加埋蛋汁一齊食個口感極香滑
而壽喜燒個汁都好正宗關西風，都係用咗醬油、砂糖、味醂去調味～所以味道呢係偏甜嘅
🥗日式蔬菜拼盤
之後就會加啲水落個鍋度煮埋啲蔬菜，咁啲蔬菜就完全索晒啲湯汁嘅味，所以甜甜地超級入味～
🖤黑松露燉飯
食到咁上下差唔多嘅時候，店員就會加埋側邊碗黑松露飯落去，將佢整做一個Risotto🥘 成個Risotto係又有黑松露香，又勁重芝士味同埋cream and butter味😈 成件事真係勁邪惡🤣啲飯仲要拉到絲！ 不過我哋就嫌個壽喜燒汁加埋落啲飯都係偏甜，所以就要求咗店員幫我哋再加啲水去令到個味道平均啲～ 壽喜燒risotto都幾特別
🧀芝士燒蠔
本身呢一個係串燒拼盤嚟～但由今日開始就會變咗芝士燒蠔～我自己覺得啲蠔都幾多好新鮮好肥美，都幾大隻～雖然芝士汁就稀咗少少，但係個蠔都好重芝士味嘅，所以都唔錯～😚自選小食兩款
- 💛明太子玉子燒
- 🔥 燒牛舌 +$30
個明太子玉子燒都值得試～雖然入面並唔係流心芝士或者明太子醬，但成嚿玉子燒個味道都好重明太子味，我個人覺得好唔錯😋
而燒牛舌都燒得好有炭火香味，而且牛舌嘅肉質係唔會太柴或者太韌，而且佢配上一個好特別嘅墨西哥辣汁，味道係有啲似Tobacco，食落都幾醒胃😆
我真係覺得呢個套餐係超級抵食！CP值超高！因為我同我朋友兩個人係覺得多到都食唔晒呀～ 而且佢個裝修係勁Igable~ 勁似一啲靚嘅機舖咁樣😍而且係有真嘅以前嘅遊戲機喺入邊～ 要影到完美Y2K風嘅相絕對冇難度🥰📸
Post
