Video
Read full review
2022-06-21
61 views
而加好多出名嘅Omakase好多時都一位難求，有錢都食唔到🤧今次就同朋友去左食呢間新開係中環嘅omakase🍣一般黎講我都會試左lunch先睇下有冇伏😆佢地嘅Lunch Sushi Course 做緊✨$580/十二貫加卷物，以中環呢個地段黎講非常抵食！✨前菜 - 北海道扎幌粟米＋ 熊本蕃茄個粟米幾有驚喜！第一次生食粟米，味道非常爽甜🤤✨茶碗蒸 本透明嘅茶碗蒸上面加上左少許金薄，睇上去非常高貴✨食落口感幼滑而且啖啖都食到蟹肉，好味❤️✨第一貫 - 平靜魚平靜魚亦即較大條嘅油甘魚，食落口感幾清爽。✨第二貫 - 鮫鰈魚上面加左魚群邊去燒，油香出晒黎。✨第三貫 - 烏貝非常新鮮嘅烏貝😆師傅係上面加左少許檸檬汁，令烏貝本來嘅甜味更突出，口感就相對較腍。✨第四貫 - 赤身師傅係赤身上加左少許芝麻碎，香味同赤身又幾夾。✨第五貫 - 伊佐木伊佐木口感相對清爽，魚味較淡，上面加左 紫蘇花作裝飾。✨第六貫 - 煙燻鰹魚鰹魚以麥茶作煙燻，魚味濃郁，呢件壽司亦轉以赤醋飯黎配合番魚生嘅味道。✨第七貫 - 中拖羅 中拖係我嘅最愛之一，食落口感入口即溶，嫩而不膩，魚香味濃郁。✨第八貫 - 牡丹蝦晶瑩嘅牡丹蝦上加上左
✨前菜 - 北海道扎幌粟米＋ 熊本蕃茄
個粟米幾有驚喜！第一次生食粟米，味道非常爽甜🤤
✨茶碗蒸
本透明嘅茶碗蒸上面加上左少許金薄，睇上去非常高貴✨食落口感幼滑而且啖啖都食到蟹肉，好味❤️
✨第一貫 - 平靜魚
平靜魚亦即較大條嘅油甘魚，食落口感幾清爽。
✨第二貫 - 鮫鰈魚
上面加左魚群邊去燒，油香出晒黎。
✨第三貫 - 烏貝
非常新鮮嘅烏貝😆師傅係上面加左少許檸檬汁，令烏貝本來嘅甜味更突出，口感就相對較腍。
✨第四貫 - 赤身
師傅係赤身上加左少許芝麻碎，香味同赤身又幾夾。
✨第五貫 - 伊佐木
伊佐木口感相對清爽，魚味較淡，上面加左 紫蘇花作裝飾。
✨第六貫 - 煙燻鰹魚
鰹魚以麥茶作煙燻，魚味濃郁，呢件壽司亦轉以赤醋飯黎配合番魚生嘅味道。
✨第七貫 - 中拖羅
中拖係我嘅最愛之一，食落口感入口即溶，嫩而不膩，魚香味濃郁。
✨第八貫 - 牡丹蝦
晶瑩嘅牡丹蝦上加上左微微燒過嘅蝦膏，呢款同樣係我嘅最愛😍牡丹蝦本身非常甜，蝦膏則鮮味十足，兩樣加埋真係超好味。
✨第九貫 - 喜之次
師傅係喜之次上加左炸大蔥絲，喜之次本身嘅魚味較淡，大蔥絲就完全蓋過左魚本身嘅味道，呢件我就冇咁鍾意。
✨第十貫 - 大拖羅
師傅採用左Kama Toro, 即魚下巴嘅一少塊肉，並切為三片薄片，令口感相對冇咁膩，入口即溶🤤
✨第十一貫 - 赤海膽
我最最期待嘅海膽，食落非常非常甜😋口感好似雪一樣😆食幾多都唔嫌多。呢件壽司有別於其他壽司，用左赤醋米紙壓粹而成嘅脆片盛載住海膽，幾有新鮮感。
✨第十二貫 - 銀雪魚
據說只有細條嘅銀雪魚先適合用黎做刺身，食落口感嫩滑，微微燒過嘅魚生充滿油香。
✨卷物
師傅將赤身同中拖碎加入香蔥、天婦羅脆等材料制成卷物，並係上面加上左魚油，食落口感香脆。
最後仲有一件江戶前玉子燒同咖啡布甸作為甜品，成餐飯超令人滿足！我自己就覺得呢個lunch set性價比幾高，食足晒多款omakase常見嘅魚類❤️師傅亦都好好人，好詳細咁講解每件壽司嘅特色，仲比足時間我地影相，絕對值得一試🤤
Post
