四季文昌 (Closed)

和朋友來到尖沙咀行街街, 老友話唔好再去茶餐廳， 假期要對自己好啲啲。 行過金巴利道見到姐姐好落力在門外派傳單，看過午飯價錢也合理, 所以和朋友決定一試。 我的印象中的 是中式火窩店， 而店子的佈置並非一般中式食店，夠潮，卡位多， 夠闊落, 感覺唔錯。 店員好主動過來落單，午市選擇不小, 今天不吃這裡的名菜 ,  點了午市特選 $58 朋友話重點想吃青咖哩，青咖哩味道夠惹味，辣度適中，配煎荷雞蛋，有新意。 海鮮有青口、蟹柳、蝦等, 味道一般； 配菜有薯仔、洋蔥、矮瓜等都唔錯， 材料豐富, 有誠意，又夠飽。厚燒雞扒蛋包飯$42以鑊仔上，賣相更加分外，保持溫度也更久。 先試一口煎鷄扒，鷄扒煎得皮脆肉嫩，咬落Juicy口感不俗，以黑椒提味，有驚喜。 蛋包飯當然不是日本的做法，只是將炒蛋在放在白飯上，雞蛋鮮黃，口感嫩滑，但無落鹽調味有點失色，後尾先發現沉底燒汁，撈起後味道有所提升。整體合格。跟餐熱奶茶, 真係麻麻地，欠奶滑，要過隔離茶餐廳嘆杯回魂奶茶。 不如加$6 點杯特飲  以椰汁沙冰加上菠蘿片, 香甜解喝, 可以一試。