上海婆婆 (新都城中心) (Closed)

難得平日放假, 近近地去新都城行逛.上海婆婆平日午市套餐有客飯或麵餐, 麵餐有麵加一個點心, 眼見大部分人都叫麵餐, 我同老公都各自點選一款麵一款點心.婆婆擔擔麵香辣濃郁味略為不足, 湯水太多沖淡了味道, 麵條幼滑反而沒有甚麼問題.酸辣湯拉麵有木耳絲冬菇絲伴食, 豐富爽口, 酸辣湯濃杰度適中.婆婆小籠包皮薄肉汁鮮甜.紅油抄手比平日所見的大粒, 少了如雲吞的鳳尾, 食入口冇咁滑溜. 上面的炸蒜與紅油抄手口感味道不太夾, 感覺上傳統做法比較合口味.另加小食冷盤小竹筍比油炆筍淺色, 味道都一樣爽口細嫩.好耐冇食過高力豆沙, 亦叫上一客, 即叫即做, 等了大概十多分鐘, 上枱時從肉眼睇已經十分吸引, 高力豆沙外表鬆軟但挺身, 一定係新鮮做先有呢個效果. 急不及待放入口, 香蕉豆沙比例不太多, 味道唔會太甜, 蛋白鬆軟有彈性, 口感似食梳乎厘, 一致認為係今餐亮點.一心諗著食湯麵小籠包估唔到甜品最好.