金滿象正宗泰國菜 (Closed)

好少會落太子食lunch，原來太子呢邊花園街有好多食肆，同個同事行咗陣，有潮州菜、越南菜、泰國菜、台灣菜、西餐、茶餐廳、糖水......，結果決定呢間泰國餐廳。因為早唔使等位，店內位置唔算多，格局有啲似茶餐廳，午餐時段有套餐，算抵食。叫咗兩個餐，加$12有特飲。泰式濕炒豬肉河，呢度嘅河粉好得意，好大塊，唔係一條條，個汁好好味，炒得好香，豬肉入味夠淋，仲有好多蔬菜。海南雞飯，配香口油飯，有碗冬瓜粒湯， 海南雞好滑，除咗雞之外有幾塊豬紅。特飲係青檸七喜同青檸樂，酸酸地好適合呢個天氣，消暑解渴。