翠林辣蟹舫

今日專登嚟食佢哋嘅半價避風塘炒蟹同埋小菜。由$788減到$344，認真抵食，其他仲有26款小菜可以有半價添。避風塘炒蟹仲有黃金流沙、椒麻香辣、鵝肝醬、黑白胡椒唔同口味。佢哋仲有自己嘅魚缸，當然仲有新鮮海鮮食啦。佢哋嗰個黃金流沙蝦球的確幾好食，蝦球雪白又大嚿。另外佢哋嘅避風塘牛肋肉同埋韭菜花炒小魚都係唔可以錯過嘅菜式。牛肋肉炆到好腍之後再炸，加上避風塘嘅蒜夠晒惹味。韭菜花炒小魚啲小魚炸到卜卜脆非常香口，餸啤酒一流。