森泰遠甜品餐廳 (Closed)

響港鐵站出，一落地面見到個廣告介紹有半自助午餐，竟然$62起，於是試下。入到觀塘工業中心，門口好田園，午餐都有好多選擇，有7款，仲要一律都係$62，唔似其他餐廳通常都是有幾個價錢的午餐。叫了韓式牛肉炒粉絲及雞扒叻沙湯烏冬，之後出去攞沙律甜品，沙律有車厘茄，薯仔沙律，甘荀，青瓜絲，淨粉絲，枝豆，韓式牛肉炒粉絲，店員細心地問要唔要辣，我地話少辣，炒起熱㷫㷫上枱，牛肉選了用牛柳肉，相當香牛肉味，面又有芝蔴，粉絲好彈牙。雞扒叻沙湯烏冬，好多蔬菜、有豆卜、鮮菇、金菇、雞扒，湯底唔選辣。熱食還有白菜，雪菜年糕。生果有木瓜同柑。飲品加了$8即磨咖啡，味道香濃。其實出面都有熱茶、凍檸茶同即沖咖啡飲品任飲。甜品有blueberry puff,中間放了新鮮藍莓添，朱古力海綿蛋糕，味道都好濃。