森泰遠甜品餐廳 (Closed)

朋友今日帶咗去觀塘嘅工廈到食好嘢，間餐廳位於觀塘工業中心三期嘅森泰遠甜品餐廳，個名幾特別，原來佢係標榜自己冇味精少鹽少油嘅一間餐廳，感覺好健康門口有一片綠油油嘅招牌非常之吸晴一入到門口員工就馬上會為我地量體溫而且要求需要用酒精搓手，抗疫設備十足環境非常之舒適，播住好柔和嘅純音樂個人感覺好輕鬆午市係一個半自助餐嘅形式，當日嘅住家靚湯係節瓜湯用料十足而且真係飲落去毫無味精好清甜又唔咸值得欣賞！主菜方面我就叫左鹽燒鯖魚飯朋友就叫咗鮮茄牛肉意粉係等緊主菜期間我哋就出咗去拎啲嘢食，去拎嘢食嘅話就一定要帶着口罩先可以出去令人感覺非常之安心出面有各式各樣嘅嘢食選擇，有沙律有甜品亦都有生果同埋菜芯主菜分量十足而且真係食得出佢好健康好唔落味精嘅感覺好有住家飯嘅feel鮮茄牛肉意粉，牛肉分量多配上酸酸甜甜嘅蕃茄非常之開胃魚燒嘅時間啱啱好好Juicy🥰配上檸檬汁又係好開胃係送飯恩物食咁多嘢兩個人埋單都只係需要120元左右非常之抵食