胡爐 (Closed)

銅鑼灣厚福街出名多嘢食，今次食嘅胡爐之前一路走開中價精品火鍋路線，最近仲推出左超抵嘅$298半自助任食火鍋，雖然係半自助，不過質素依然好高，同出邊單點精緻火鍋有得比首先係選擇湯底，有雞煲、醉鴨煲或者豬手煲。作為雞煲愛好者梗係揀雞煲啦，雞煲汁都幾香濃，雞有雞味份量亦都好多，不過唔算太滑嫩。隨湯底上枱嘅係時令海鮮拼盤，胡爐牛拼盤及手工丸餃拼盤。呢三款都只係包一份，但係其實份量都非常之多，我同我老公食完呢對食物已經覺得好飽。時令海鮮拼盤有扇貝、大蝦、蜆、蠔、花甲，樣樣材料都好新鮮，尤其係個扇貝，非常鮮甜一啲腥味都冇牛拼盤有三樣嘢，其中牛舌好香口好重牛味，亦都唔會太軔。黃牛就比較軔，但牛肉味都算重。豚肉最有驚喜，肥瘦均勻，入口好香嘅油脂味，口感一流。手工丸餃共有六款，基本上樣樣都好好食，食得出係自家製作。推介黑松露墨魚丸，口感非常彈牙爽口，黑松露味勁香，但又唔會過分到搶去墨魚嘅鮮甜味。泰王鮮蝦雲吞都係推介，蝦勁大隻，雲吞非常足料，皮薄涵靚。基本上食咗以上嘅嘢已經非常飽肚，我哋仲叫咗少少配料去食，都正常水準。我哋加咗$38 （每位）任飲，飲品種類都幾豐富，我唔鍾意飲汽水，但係都有幾款無糖茶。