四寶食堂

Open Now

Now Closed

四寶食堂無論係早午晚下午茶定宵夜嚟到，都一樣好多野食。個人認為如果係銅鑼灣返工，呢度一定係個搵食嘅好地方。位於謝斐道既四寶位置方便，一啲都唔難去。而且鋪頭唔細，人手亦非常充裕，每次黎都見到好多員工。呢日係晚餐時間黎到，餐廳做好防疫措施每枱只能坐兩人。朋友話佢哋嘅食物唔會即時有得上枱，因為佢哋都係即叫即整。-🍴炸魚薯角份量非常大，炸魚表皮略嫌少少過燶，但切開魚柳十分Juicy，唔會又林又梅，證明食材新鮮。薯角應該落咗少少辣椒粉醃過，熱辣辣食惹味又香口。-🍴西冷牛扒細心地切件上，肉質煎得軟腍剛剛好。配菜仲有原個蒜頭煎香伴碟，切少少配牛扒食非常合襯。仲有薯角無諗到會係另外一碟上，份量超多。-🍴呢個沙律大推，水牛芝士每塊都厚切，芝士味香濃。蕃茄新鮮香甜，陳年黑醋汁食後回甘，幾樣食材加埋夾到不得了。-四寶即得推介嘅地方一定係佢每樣食物都份量極大，即叫即做同款類繁多。重點係銅鑼灣黎講唔算太貴，推薦。但有時人多店內會比較嘈雜，不過係茶餐廳，始終都理解。