銘興山西刀削麵 (民泰街)

Open Now

Now Closed

今日星期日好早食左lunch，dinner大概5點已經好肚餓，所以近近地去左紅磡嘅民泰街覓食。呢間d野食好好食，難怪無時無刻都好多人。手工韭菜豬肉餃好大粒，餃子皮口感一流。呢到最出名就係食刀削麵，我地最終要左一碗熱拌手絲雞刀削麵同一碗麻辣豬軟骨刀削麵。熱拌手絲雞有超多雞，完全都唔鞋，麻醬拌汁好濃郁。麻辣豬軟骨刀削麵好嫩，加埋麻辣味剛剛好，加落麵底到食好惹味。另外我地都要左兩樣小食，香炸Q彈墨魚餅真係好Q，口感一流，醬汁酸酸甜甜好好味。至於荔枝波波蝦球更加係必點！外面酒樓好貴，呢到抵食啦，蝦滑好彈口。最後就係豆漿，雖然係支裝，但係都好濃郁，好有豆味！