PHI Coffee & Pancake (尖沙咀中心)

Open Now

Now Closed

尖東呢間café，見到佢哋個價錢都幾吸引，唔算貴又多選擇！漢堡扒全日早餐 $132好豐富，個漢堡扒係手打嘅，個肉質夠juicy，唔會太乾，調味都啱啱好。配埋煎蛋、煙肉、焗豆同番茄，仲有兩塊多士，份量十足。一個人食完都飽飽地。松露奶油雜菌扁意粉$102，呢個價位嚟講好驚喜！個松露味夠香，唔會太假，雜菌新鮮，醬汁creamy但又唔會太漏，意粉煮得唔錯。甜品揀咗英式伯爵茶梳乎厘 $158，個梳乎厘伯爵茶味好香，唔會太甜，配埋雪糕食就啱啱好。個賣相都幾靚，打卡一流！飲品方面叫咗：冬日栗子咖啡 $58，香濃栗子味，咖啡底都幾有水準，唔錯！福鼎白茶$42，茶味清香，配啲甜品就最啱。呢度食物價錢合理，食物質素都幾好，嘢食份量夠晒。最緊要係個environment都幾舒服，啱晒慢慢歎。