Video
Read full review
2019-09-25
1843 views
因為係附近做物理治療，所以搵到呢間上樓嘅餐廳食晚餐一入去坐底送咗一杯細細嘅芒果沙冰，芒果味好香口感好滑。落單後好快就上湯、前菜同沙律，湯有蘑菇湯同南瓜湯，上面仲有個笑哈哈樣，好有心機呢~南瓜湯都算滑，不過香料黑椒比較重，反而蘑菇湯好濃郁亦食到菇蓉。之後係沙律同前菜，我叫咗個柚子汁配寒天沙律+韓式豆腐餅配木魚絲，好少餐廳會有寒天食，再配埋甜甜地嘅柚子汁，非常特別。而韓式豆腐餅加咗木魚絲好香，微微的泡菜辣配合豆腐餅淋淋地又幾夾幾好食。另一半叫咗個三文魚沙律+三文魚他他多士，沙律對比起我嘅寒天沙律失色咗少少，但反而三文魚他他多士配上沙律醬同蟹籽，咸咸地幾濃味反而我比較鐘意。主菜一個係慢煮三文魚配三文魚焗薯同烤大啡菇配酸忌廉焗薯，三文魚都唔錯，有魚味幾香，肉質比較實咗少少。反而烤大啡菇一上檯已經好香，上面仲滿滿芝士薯蓉，配埋黑松露好香好好食！三文魚焗薯Mix 埋真係有蛋黃嘅蛋黃醬真係好正！ 酸忌廉焗薯上面亦滿滿煙肉碎粒，真係估佢唔到！最後係甜品係朱古力蛋糕同水果茶，朱古力蛋糕都唔算太甜，蛋糕底比較實，似係手工做，朱古力味可以再濃D 就好。而水果茶比較甜，但又配埋片橙酸酸甜甜咁 又幾特別~ 呢到
一入去坐底送咗一杯細細嘅芒果沙冰，芒果味好香口感好滑。落單後好快就上湯、前菜同沙律，湯有蘑菇湯同南瓜湯，上面仲有個笑哈哈樣，好有心機呢~
南瓜湯都算滑，不過香料黑椒比較重，反而蘑菇湯好濃郁亦食到菇蓉。
之後係沙律同前菜，我叫咗個柚子汁配寒天沙律+韓式豆腐餅配木魚絲，好少餐廳會有寒天食，再配埋甜甜地嘅柚子汁，非常特別。而韓式豆腐餅加咗木魚絲好香，微微的泡菜辣配合豆腐餅淋淋地又幾夾幾好食。
另一半叫咗個三文魚沙律+三文魚他他多士，沙律對比起我嘅寒天沙律失色咗少少，但反而三文魚他他多士配上沙律醬同蟹籽，咸咸地幾濃味反而我比較鐘意。
主菜一個係慢煮三文魚配三文魚焗薯同烤大啡菇配酸忌廉焗薯，三文魚都唔錯，有魚味幾香，肉質比較實咗少少。反而烤大啡菇一上檯已經好香，上面仲滿滿芝士薯蓉，配埋黑松露好香好好食！三文魚焗薯Mix 埋真係有蛋黃嘅蛋黃醬真係好正！ 酸忌廉焗薯上面亦滿滿煙肉碎粒，真係估佢唔到！
最後係甜品係朱古力蛋糕同水果茶，朱古力蛋糕都唔算太甜，蛋糕底比較實，似係手工做，朱古力味可以再濃D 就好。而水果茶比較甜，但又配埋片橙酸酸甜甜咁 又幾特別~
呢到個服務唔錯，因為我地都比較遲上去，本身甜品係奶凍，但食到中途待應話奶凍賣晒，幫我地Free Upgrade 呢款朱古力蛋糕，仲係咁講唔好意思。其實我地真係無咩所謂，因為呢個餐真係好抵，出面嘅餐廳好少有沙律又有前菜同湯，好多時都只係2/3 揀一，就算有齊3樣都唔會咁大分量，真係好抵食又好食！
Post
