咪走雞 (Closed)

在很多商場都唔開既關係，幸好去葵興工作完，附近商場可以食個下午茶，揀左咪走雞，是日人流不多， 環境地方闊落十分乾淨，仲有不少卡位， 阿女食飽捐窿捐罅都唔做，個View唔錯 望到睇個政府合署。（辣）招牌咪走雞白飯 - 送來的時候醬汁沸騰， 要待一陣先至食到，醬汁有點點辣味，好濃好稠，雞肉非常鮮甜，肉質超級嫩滑，白飯撈汁已經夠晒味。花膠鮑魚汁雞粒炒飯 - 花膠好滋潤，仲有好多片，好厚肉，好軟身 ，烹調浸煮應該花不少時間，都不用$70連飲品或例湯， 好抵食。雞肉切粒，炒飯粒粒分明，乾身，每粒都有鮑魚汁，唔見有白飯粒。是日例湯，湯料有紅蘿蔔，大大舊瘦肉，覺得太過咸， 越飲越口渴。