咪走雞 (Closed)

陰招趕客的餐廳，一行四人星期六去kcc入咗呢間餐廳食飯，到埗時2pm叫咗4個餐，該店一位穿便服男士(應該是經理或老細） 幫我哋落單，2:20pm左右4個餐上齊，未開始食，佢就即刻叫我哋埋單$266， 當時唔為意，以為是該餐廳規矩，就即刻俾錢埋單， 開始食咗10分鐘，當時2:30該男士行過嚟話舖頭2:40pm要清場，因為要做啲清潔之類的嘢， 我哋當時好驚訝，問返佢點解落單時完全沒有講，佢好串甘答話門口有貼咗紙，仲企係側邊等我哋離場，最後4個餐都係食到一半。 離開時我哋門口睇張所謂的通告用張A4紙貼到勁高係餐牌的最頂，完全唔起眼，而且張紙寫係到3pm，但叫我哋2:40pm要走，該餐廳的行為好可惡。

前幾日因為只係返半日 所以同同事一齊食完嗰lunch 再各自返屋企 呢間係間中一個同事介紹嘅 食完都覺得唔錯👍我就揀咗嗰午餐自選套餐Set A 係$63起 不過就要加一服務費 如果要加一就唔係幾抵啦 因為唔覺得有非常好嘅服務 但係味道算係👌嘅有三小碟前菜 開頭以為響menu入面嘅六款 有得自己揀入面揀三款 原來係冇得揀 係是日前菜 而嗰日三款前菜分別係 麻辣豬脷 潮式豆干 同埋麻醬時菜 每款各有特色 都整得唔錯而主食方面 我揀咗鐵板安格斯一口牛(+$5) 呢個好好食 一粒粒牛好鬆軟淋身 黑椒汁亦都好入味 食到最後仲熱辣辣 正吖🥰然後飯麵方面 揀咗椒麻拌淮山麵 呢個覺得唔太好食 嗰麵太乾 所以會將啲湯落少少響嗰麵度 但係落咗啲湯 又會沖淡咗啲辣味 如果下次有機會食嘅話 會試下其他款 午市套餐奉送熱飲一杯 我就揀咗熱奶茶 味道唔錯 茶底夠香滑👍👍

好耐無出黎食午餐今日特別約出來透透氣想坐的舒服些傾計便選了在kcc 8樓 搵食剛好這間有位就入去侍應好好比左窗邊位我哋望望餐牌嘩！ 63蚊有前菜、主菜、飯麵同野飲計埋加一70蚊就ok都幾抵wor我哋就叫左三個set Ashare 餸肉骨煮得好腍 豆卜冬菇都好入味餸多湯都夠 抵食補身之選叉燒帶子炒滑蛋 多料蛋滑 正櫻花蝦煎肉餅 最有驚喜煎得香口 又唔油 肥瘦適中加埋櫻花蝦 配飯食一流佢前菜是是日小菜 果麻辣豬脷同豆乾都幾好食酸辣米線就夠酸但唔夠辣 都ok整體來說都是推薦的

葵興大變天，新商廈為這個殘舊老區注入新的生命力。去葵興探朋友兼順道食lunch，選擇餐廳或食店的條件就是不用排長龍兼野唔難食，我朋友話除了Mos Burger外就只有這一家，於是決定坐低食雞。第一次幫襯，見到佢有個招牌雞，可配飯或麵，甚至乎可以加錢轉肉操飯或者菜飯。我點了招牌雞配白飯，另加六蚊改飲凍檸檬薏米水。佢個招牌雞真係唔錯，好滑，雞皮好有彈性，連平時唔食雞皮的我都忍唔到口食咗一塊，白飯就比較硬身，價錢上我就覺得略高少少，不過坐得舒服，ok啦。

記得嗰日我地去咗新商場KCC行街，約六點嘅時候，開始覺得肚餓，於是就打算喺附近搵嘢食。我地OpenRice咗呢間，有花膠雞食嘅餐廳，好吸引，所以就揀咗呢間。六點幾上到去，竟然冇乜人，於是我地可以舒服地坐喺窗邊位睇住夜景食飯，好開心！我地點咗兩份皇牌套餐，花膠雞湯米粉，同埋兩款小食，椒鹽豆腐同涼菜三小碟，仲有嘢飲，好抵食呀！想講下碗米粉，俾咗大量芫荽我地，同花膠雞湯配搭得實在天衣無縫，啱曬我這個芫荽控！值得推介，可以再嚟！

公司搬到葵涌接近2個月, 呢間店好似都無開業一段時間, 早2日見佢開番, 試試! 麵餐約 $65-$70, 包一份小食及熱飲! 湯底夠濃郁, 味精當然有不過唔多! 我的牛魔皇淮山麵好多餸, 牛腩亦夠淋! 而家喺附近食午餐一間普通食店收加一是有點少見的! 

今天，一如既往，因工作關係到了其他區食午飯...今次同事介紹了係活@kcc食雞。我第一次來呢間餐廳食飯，一坐低當然係睇menu...看看星期五的野食，第一反應係沒興趣，直接睇第二張menu....呢張menu類似雙餸飯，有雞有牛有豬.....作為一間以「雞」打頭既餐廳，我當然叫了L3....其實個煎雞幾好食，脆香於一身，麻婆豆腐不太辣，幾啱我。其實仲有張menu先係主打菜式，但我無影到😩我同事就叫了招牌菜...個招牌雞其實一般，屬正常水準...反而個花膠雞湯米粉不錯，份量夠又多料。平均$70左右，算偏貴少少吧...

在很多商場都唔開既關係，幸好去葵興工作完，附近商場可以食個下午茶，揀左咪走雞，是日人流不多， 環境地方闊落十分乾淨，仲有不少卡位， 阿女食飽捐窿捐罅都唔做，個View唔錯 望到睇個政府合署。（辣）招牌咪走雞白飯 - 送來的時候醬汁沸騰， 要待一陣先至食到，醬汁有點點辣味，好濃好稠，雞肉非常鮮甜，肉質超級嫩滑，白飯撈汁已經夠晒味。花膠鮑魚汁雞粒炒飯 - 花膠好滋潤，仲有好多片，好厚肉，好軟身 ，烹調浸煮應該花不少時間，都不用$70連飲品或例湯， 好抵食。雞肉切粒，炒飯粒粒分明，乾身，每粒都有鮑魚汁，唔見有白飯粒。是日例湯，湯料有紅蘿蔔，大大舊瘦肉，覺得太過咸， 越飲越口渴。

繼上次品嚐完這家餐廳的招牌特色菜-砵仔咪走雞後，過了個多月本人再次光臨同一店舖。它不一定全部小菜也是雞為材料，還有不少異國風情的美食如星馬泰、四川米線等可供選擇。是次品嚐的不是關於雞的菜式，而是每日一小菜的其中一道傳統上海菜-蛋白賽螃蟹菜飯。主要成份賽螃蟹的製法大致上跟旁邊的夏麵館大同小異，它是著名的北京菜，但材料中沒有一絲蟹肉。最主要以蛋白模仿蟹肉，並加入蟹柳、蝦肉、菜粒等作裝飾增添賣相。「賽」是「媲美」的意思，可見此菜的味道及質感，比得上蟹肉的鮮甜及細嫩吃不起螃蟹的人終於有代替品滿足口腹，並加入蛋黃模仿蟹黃，更有蟹黃的鹹香與形態神髓。 蛋白炒過後過冷河變成多顆拇指般圓滑通透的珍珠大小，加上生粉混合而成的芡汁變得嫩滑及蛋香味十足。彷彿喝下一瓶香濃新鮮的牛奶般清甜的口感，把疏鬆的骨質瞬間補給，絕對是健康有機之選。

HEA 食晏系列，但質素一啲都唔HEA.次次食晏時間都鬼死甘多人，諗住搵間無咩人，唔洗排隊嘅，本第無咩期望，但有驚喜wor, 同行友人一致點左無骨雞，我簡左配米線.一上尼見到仲新鮮滾滾甘，而且啖啖肉，好感度UP. 睇到張相都想食😍 溫馨小提示，因為薑蔥太好味，食多左，個口會有啲臭😂😂😂三個人食，加埋HKD 237————————————滿分5🔆🏝環境 🔆🔆🔆🛋服務 🔆🔆🔆💲價錢🔆🔆🔆🔆😋食物質素🔆🔆🔆🔆💥翻兜指數 🔆🔆🔆🔆🔆—————————————📍咪走雞📍葵涌LIFE@KCC

午飯時間 KCC 好多上班人士放飯, 咪走雞算係比較易搵位 ge 食店餐牌 :見到皇牌推介有花膠雞湯米線 😍😍 , 仲有酒香 😍😍 , 秒速落單花膠雞湯米線 (酒香) ($68)份量合理, 湯底有雞味 , 可惜酒味同酒香欠奉, 雞件 (有骨) 無味 , 米線偏腍呢個價錢當然唔會要求靚花膠, 但呢個花膠好低質, 無味無口感, 淨係咬左一小啖 ... 失望 😣😣😣菜肉餃子 (跟餐小食) 份量合理, 質素正常, 無驚喜菜肉雲吞淮山麵 ($58)湯無咩味, 建議落 d 辣椒油 , 有 5 粒雲吞, 都幾大粒第一次試淮山麵, 都唔錯, 感覺好健康椒鹽豆腐 (跟餐小食) 賣相差 , 不過夠熱 , 味道唔錯 , 外脆內軟 , 好食過餃子份量好參差 , 同行友人個份豆腐明顯大份 d 整體黎講 , 坐得尚算舒服 , 服務正常 , 食店有加一 , 但服務只係一般

今天品嚐的餐廳名字十分特別，一聽到不少人誤會它是一隻用清純米酒醃製而成的雞。其實你們想認真錯了，正確寫法是「咪走雞」，它是一間以新鮮走地鮮雞為主打的餐廳，不少菜式也是以牠為主要食材。餐廳的用餐空間寬廣，燈光柔和，光線平均分散每個角落。整體設計也是與幾何圖案有關。如頂部橫直相間的特大正方形天花板，甚至用木條為牆壁的一邊，頂及底部每一塊跟地磚般大小的格子圖案也完全不同。另一牆壁上凹陷方形的部份擺放著不同顏色及材料製造的飲食器皿，而我們一伙人坐在旁邊近落地大玻璃窗的一邊沙發位看街外的景色，感覺截然不同，彷彿置身於一個無邊無際的立體世界中進餐。我們一伙人點選了一道招牌特色菜，「砵仔咪走雞」。它是以陶瓷鍋為器皿盛載著一隻即日運送不徹夜雪藏的特大新鮮雞隻炮製，肉質鮮嫩幼滑，多重加熱仍保留雞肉的鮮味。湯底是濃稠的沙姜雞湯熬製而成的，油而不膩，跟一團芝麻糊般食物流質，充滿豐富的鈣質及骨膠原成份。再加以少量黑木耳及蔥粒襯托，賣相十分吸引。不只是牠，還有不少以四川、雲南及台灣特色地道菜材料的粉麵及小食，如過橋米線、肉燥飯、花枝餅、麻婆豆腐等可供選擇。難得一間餐廳可同一時間品嚐中國不同省份的特色美食，餐牌可

大埔咪走雞就食得多嘅 其他分店都係第一次試正值午市嚟食 人好多不過啲座位都坐得幾舒服 枱與枱之間都有距離✨午餐餐牌午餐都有幾多選擇 掙扎咗一陣之後都係食返個招牌菜✨原味咪走雞飯 $68+$3凍飲份量幾好嘅 一碟都有5-6嚿雞本身嗌咗辣味 不過俾咗原味我 就照試下啦雞唔會太鹹但可以再有味少少質地好 雖然唔係脾位但都一啲都唔鞋用砵仔上都可以稍稍keep到熱最抵讚嘅係去咗骨 啖啖肉食得好方便不過冷氣比較大嘅關係 個飯好快已經變得好凍✨花膠雞湯米粉配餃子 $68朋友揀嘅野食 筆者都試咗花膠同啲湯湯標榜有酒香 但飲落係好淡嘅啲花膠直頭無味添期待好濃酒味嘅話就一定會失望餃子筆者無食 朋友就話係正常味嘅餃子囉連埋加一 一個午餐要$78喺葵涌區呢個價錢食晏 應該可以食啲更好嘅野味道係可以嘅 不過價錢就唔係太值喇

諗緊食乜好嘅時候，餐廳職員推介：花膠雞湯米線，所以入去試下驚喜嘅係，湯底好正，重紅棗味，好似飲緊燉湯咁啲雞肉都好滑，全部都係雞脾肉，啖啖肉但係，花膠就差啲，鞋鞋地（不過60幾蚊唔通比靚花膠你咩）因為餐牌寫到淮山面好特別同養生，加錢轉左，但食落無乜特別大驚喜，下次唔會再特別轉成碗米線好多料，加埋紅棗，木耳嗰啲，份量都幾大，一個女仔未必食得哂KCC d 餐廳一到晚上就無乜人，呢間都係，幾靜同職員都算好禮貌應該會再encore，試埋其他菜式👍

淡咪，晚飯小菜無鑊氣，差過茶餐廳，3大3小食左$480，每人平均$80椒鹽豆腐： 落好少鹽，好清淡上湯菜芯：叫小白菜但送黎係菜芯，菜芯比較老，上湯好淡芥末秋葵炒牛肉： 完全無芥末味，無鑊氣招牌雞： 雞肉滑，唔梅，但上湯無乜特別，唔算出色，雞唔入味，浪費左隻雞咖喱薄餅： 4小件加咖喱汁，完全唔辣，小朋友一定食到炸排骨淮山麵：淮山麵唔係到到食到但炸排骨啲粉完全唔脆，淋既山楂咕嚕肉：唔好食，只有酸，無甜味剛入座唔開冷氣，可能聽到我地講好焗，跟著有返冷氣啲阿姐同阿叔算係咁，叫都會做，但個收銀好串咀，都唔知有乜好串如果中午食個快餐lunch都可以，但晚餐多人一定唔會再黎，個量好少，似快餐店，每人食兩舊就食完，份量唔大環境就唔錯，啲位好寬落