葉公館 (Closed)

今日同朋友去長沙灣，食左呢間喺地鐵站附近，位於青山道嘅茶樓—葉公館。餐廳入面係舊式茶樓裝修格局，光猛又闊落。我地散叫左唔同嘅小菜。炸茄子好少見酒樓用炸茄子做前菜，都幾有心，食落外脆內軟。蜜椒薯仔牛柳粒牛柳粒炒得啱啱好，D肉質好嫩好多汁。仲有啲薯仔，外面脆脆地，咬到入面好綿密，加埋三色椒，搭埋蜜椒醬汁，味道酸甜香辣，好開胃！好味！鮮鮑魚雞煲幾抵食，半隻雞加六隻鮑魚都只係$158。D鮮鮑魚嘅肉質都爽脆，食得好滋味！手撕包菜炒完之後仲keep到菜嘅水份，又香。酸辣土豆絲土豆絲食落仲好爽脆，炒得恰到好處。綠豆沙送飯後糖水，綠豆俾得好足，唔會太甜。如果你鍾意食中菜，呢間舊式茶樓絕對值得一試。