巴巴串

Open Now

Now Closed

同友人好耐冇見，喺觀塘搵咗間可以慢慢坐嘅放題聚一聚。喺駱駝漆搵到間任食串燒，我哋揀咗B餐，任食兩小時。C餐都幾抵，有和牛食，又有凍蟹腳同羊架，下次可以試吓！飲品、調味品、炸物同埋丸類、腸類、蔬菜可以喺自助櫃任揀，都好多選擇！我同友人都好鍾意食丸，所以都攞咗幾轉芝心丸、墨丸同麻吉燒。安格斯牛拼盤 - 牛板腱、牛仔粒、封門柳同牛仔骨都好高質，入口即溶，肉質嫩滑，牛味濃郁，完全比得上坊間嘅貴價燒肉店，好正！最正係扇貝，鮮甜多汁，燒到啱啱好！炸燒賣、蒜蓉焗蠔同燒韮菜呢啲熟食同樣出色，味道夠濃又惹味，起碼食咗兩三輪！呢間個環境好啱同朋友慢慢傾，食物又高質，下次會嚟試埋個C餐！