咪走雞 (Closed)

今日同同事去葵興做嘢見到有間幾新的商廈有不少餐廳，原來已開了一段時間了，其中有一間之前在大埔食過十分好食就同同事去吃晚餐，可能因六點半關係太早人唔多但坐得十分舒服，我哋最後叫了一個2人套餐 $228，價錢不貴又抵食。招牌去骨咪走雞（例）之前朋友話佢喺大埔食過話好好味, 果然個招牌雞, 好有雞味, 肉質嫩滑, 個汁有少少沙薑味, 個缽仔底仲有少少菜, 仲有一碟薑蔥油, 但我覺得唔需要加都已經好好味! 西蘭花炒青衣球 平時食炒魚球多, 好少食青衣, 呢個小菜顏色好靚, 有西蘭花, 菇, 紅椒, 黃椒, 個芡汁收得好好, 全部都掛餸菜上面, 魚肉好厚身又大片, 魚肉唔嚡, 送飯一流!見到一個特別的餸菜叫鐵板青芥秋葵牛柳粒，來到沙沙聲十分吸引，秋葵吸晒醬汁香十分好味又香口，牛肉口感軟熟煮得剛剛好，青芥比心目中少所以其實食不到辣的朋友都可以試。例湯今日係蓮藕湯，足料又鮮甜，而且仲有我最愛的湯渣，都幾大碗不錯。每人一碗白飯及甜品，因為太多餸我哋只叫了一碗飯都幾大碗，甜品焦糖燉蛋，蛋幾滑又香，焦糖味都可以但甜咗少少，但整體有驚喜。