串本屋 (Closed)

好耐冇去渡船街食飯，今晚揀咗呢間食日式串燒嘅小店試吓。座位唔算好多，但環境都舒服。🍡🍡由於太耐冇食串燒，我哋狂風掃落葉咁點咗一堆野食。小店係即叫即燒，上菜速度都算幾快，每隔一陣就上一兩款食物。overall食物質素好好，特別推介以下幾款：🍍🍍焦糖燒菠蘿 （$28）- 微微燒焦，菠蘿好鮮甜juicy，必食推介👍🏼🐟🐟汁燒日本鰻魚串（$34）- 肉質厚身無骨，燒得好香口🦐🦐燒老虎蝦 （$34）- 配上蒜蓉好香口，蝦肉質爽口，好味🐂🐂鹽燒封門柳（$26）- 肉質鮮嫩，充滿牛味👅👅鹽燒牛舌心（$38）- 牛舌厚身切，質感爽嫩，好入味，必食推介👍🏼🍙🍙明太子飯飯團 （$26）- 燒焦嘅飯團面，配上明太子餡，有淡淡的鹹香味。小店嘅價錢比一般串燒店平宜，食物質素唔錯，服務質素好，絕對係食串燒嘅一個好選擇。