小叻沙 (Closed)

係灣仔修頓球場行過一個街口, 有間食叻沙既小店, 同朋友入去本打算黎個速食先返屋企。餐廳內佈置都以足球為主, 難道老闆係足球fans?!坐低一睇menu, 原來呢度仲有幾款小炒, 仲有我最愛既蟹食!! 仲要唔係收海鮮價, 而係明碼實價!! 點都要order黎食!【星州辣椒蟹】HK$198上檯時已聞到香噴噴, 有大量既蛋花, 冇預期中咁辣, 只係微辣又帶甜甜地...呢隻原來係麵包蟹, 平時食麵包蟹都係凍食, 今次炒到熱辣辣食真係第一次~  隻蟹都幾多肉食, 蟹肉一梳梳, 而唔係水汪汪既死蟹, 辣調味冇蓋過蟹既鮮甜味。就連蟹蓋上都有豐富蟹膏~【馬拉盞炒通菜】HK$42通菜青翠嫩綠, 炒得頗有穫氣, 通菜keep到爽脆, 唔會過鹹【札肉叻沙】HK$48唯一一款湯底照顧唔食辣既朋友---豬骨湯底, 味道清甜。札肉片薄切, 跟豬骨湯底很match。【招牌海鮮叻沙】HK$59 (配冷/熱飲品)另外揀左呢度皇牌叻沙湯底配摻摻 (油麵+米粉), 湯底帶淡淡蝦膏香, 微微既辣, 很惹味。油麵彈牙混合易索湯既米粉, 更能食到湯底精華。再有爽口既蝦、魷魚、鮮甜魚片、大魚蛋, 特別係最索湯既豆卜, 正!!全日