龍門冰室 (Closed)

今日就去nike outlet度買鞋, 咁臨走之前, 就喺附近食個餐, 六點之前, 未禁堂食, 仲有堂食, 食個下午茶餐, 都係40零蚊左右, 非常之抵。有一個湯麵, 再加個多士, 再加一份玉子燒, 我就要咗雪菜肉絲米粉, 呢個米粉真係真心讚, 因為佢用咗我最鍾意嘅新竹米粉, 特有的Q 彈咬勁與米香, 又掛湯, 口感一流。 肉絲係口感非常的軟滑, 用上新鮮的雪菜唔係用罐頭貨, 呢個真心讚。另外就係玉子燒, 有鹹牛肉嘅香味, 香濃鹹牛肉, 配埋蛋香, 配搭一流, 口感軟嫩潤滑 。再加埋個多士, 真係夠曬飽肚, 當一個晚飯來食, 真係非常之抵。