雲海滙

Open Now

Now Closed

同朋友去深水埗電腦商場行吓，佢知我喜歡食中菜，話附近有間雲海滙 ，抵食又好味，一定要試吓！酒樓地方很大，座位寬敞舒適。京式片皮鴨，每隻片皮鴨有 超過20片，配以京式手工烤餅 、青瓜條、京蔥條，片皮鴨外皮酥脆鬆化，肉質嫩滑，餅皮厚薄適中，入口煙韌，再配以甜麵醬，絕對係最佳配搭。二食亦只加68元，可以選擇七彩炒鴨絲、醬爆鴨件或鴨絲炒飯，我哋揀咗鴨粒炒飯，份量十足，夠曬鑊氣，鴨粒和飯都好香口。清蒸游水沙巴龍躉約一斤，熟度啱啱好，魚質鮮甜嫩滑。脆皮雞，雞皮薄脆如紙，雞肉軟嫰多汁。