雲海滙

Open Now

Now Closed

又到食大閘蟹季節，今次揀雲海滙，位於深水埗深旺道38號海達邨二期平台1樓1-01號舖。 見到當晚都好多人食大閘蟹，我們點了大閘蟹餐。 📍大閘蟹 ～ 每人有兩隻大閘蟹(乸) ， 大概有三至四両， 爆膏鮮味。 📍蒸鮮蠔 ～ 大大隻蒸蠔， 味道鮮甜。 📍蠔皇椎茸5頭鮮鮑魚 ～ 鮑魚口感軟腍。 📍蟹肉海皇燴花膠 ～ 湯羹裏有滿滿的蟹肉， 溫度夠熱，好味。 📍蟹粉小籠包 ～ 味道鮮香，湯汁飽滿。 📍任食有京式片皮鴨、老壇酸菜魚、豉味欖角骨、椒鹽炸鮮魷、川味口水雞、蒜香炒什菜、生炒糯米飯、鮑汁伊麵、禦寒紅糖薑茶和養顏棗皇糕， 每款都有水準。 整體性價比高， 每人400蚊內就可以食到大閘蟹套餐， 非常豐富，值得推介。🏷️溫馨提示～ 整個用餐體驗均屬個人分享意見， 只作參考😊。

屋企人約飲茶，跟住老竇又話要嚟呢一間。我記得呢度啲乳鴿係幾好食嘅，咁就遠啲嘅話過嚟都冇乜所謂。過到嚟下午茶，今次有新嘢玩，竟然係下午茶三寶見到個價錢有少少唔相信所以去問部長。部長就話啱㗎啦，照剔啦！嚟到嘅時候。對於個份量嚟講係打咗個突嘅。不過換過角度嚟講，一個人食嘅話就剛剛好一籠點心一份小食，同埋大概兩個碗仔份量嘅粉麵飯。不過佢都冇開乜細枱咁滯，佢出啲咁嘅份量㗎餐，真係食到有啲尷尬，都唔知捱唔捱多第三份好。個乾炒牛河同埋楊州炒飯真係未見過咁平，係平如草原。感覺就好似自助餐炒d粉麵飯，跟住自己攞個碟出去𢳂少少嚟試嘅感覺。呢個三寶嘅定位係有啲怪，真心唔介意定價高少少，個份量可以多番啲。撇除咗呢個之外，其他嘢食都係尚算正常嘅。

厚此薄彼 早茶好多婆婆公公 本來預咗要搭枱 想攞飛佢又話自己搵位 好不容易找到 又遲遲吾執枱 結果俾人搶咗 足足搵咗20分鐘枱都冇位 最後其中一個經理 就話見到枱就坐落去啦，同丈夫見到張大枱諗住坐落去 因為其他大枱，大家都係搭枱坐嘅 但係另一個職員又唔容許我哋兩個坐落去 仲要態度好差 求其搵個身貼身的位置叫我哋坐落去就算 本來諗住放假舒舒服服飲餐茶 坐得仲慘過街邊咁委屈，好激氣 講真我寧願唔食 其實我覺得佢係唔想執囉 其他大枱有容許搭枱喎 其實平日9:00晨早留留 有咩人12個人去食呢

屋企人話有新酒樓，臨走出去試吓，點知去到嘅時候見到原來係囍慶集團，早知就唔使出嚟咁遠。話雖如此，我有覺得呢一間好食過科學園嗰間囍慶。呢度有皮嘅嘢都比較薄，叉燒酥、腸粉覺得佢整得幾好食，又多餡料。另外新開張有優惠，個乳鴿兩隻好似都係五十幾蚊，啲肉嫩得來亦都唔會太鹹。個肉骨茶鮮竹卷，係幾特別，但係藥材味唔算重。豬手個賣相都唔錯，都起碼見到有肉食唔會剩係得啲骨。個沙茶牛肉炒河粉，雖然唔係好靚仔，但個味係正常嘅，如果個芡汁薄返少少就好啦。仲有個黃金蝦都足料又夠味，性價比幾高！事次用餐事自費。

中意比人鬧同指責既推介去依間酒樓搵💁‍♀️譚桂秀經理👍客人好似佢既下屬甘， 稍為有少少唔合佢心水， 隨便比佢指住黎話， 佢再加一話你都5 講道理甘 佢就無敵🤙🤙🤙今時今日啲員工仲可以用甘差既態度去接待客人 ， 真係好大既勇氣 。 唔怪得附近果間酒樓 可以甘full ，佢仲吉左4 -5張，大既12 人枱。 一入到酒樓 ， 前枱有人都好 坐左係到 既高度根本睇你唔到 ，好啦 咪等下 ，keep 住都係透明 ， 有大有細 又bb 車 其實都好難見唔到 ， 其他人 不斷直入 ， 我地都keep 住等 ， 之後搞5 掂 就問員工 其實係邊到拎位 ， 員工譚桂秀叫等等， 之後一分鐘內都過左黎 ， 話直入大枱 ， 見到遠處有人揮手 咪跟住入， 之後又行到甘上下唔知同個揮手員工去左邊 ， 甘見有大枱 咪坐低 ，其他枱既人又推開輪椅比我地2 架bb 車放入去 （我諗都用左3-5分鐘）， 坐左一分鐘到 ， 員工A話唔係叫你坐依張枱 （想答佢都冇比機會我）， 我話唔到事 ，你同經理講 。等佢講完 我咪話 你難做 ，咪同經理講 客人我發脾氣 。 之後 譚桂秀女士 走 過黎講話，我明明叫你坐××× 唔係坐

一家人去食飯，叫咗個套餐，其他餸好唔好食就唔好講嗱，份量都相對比較細，但呢以下呢個餸我都唔知講咩好。。。真係可以咁求其，屋企上菜都唔會咁，另外隻龍蝦只係成開邊上，咁多個人唔知點分😂大佬，屋村酒樓都可以比返d誠意嘅。

之前來過雲海匯飲茶食飯，午市同晚市質素都滿意。今次試片皮鴨小菜放題，經kkxxx訂用埋優惠，價錢是抵，但質素明顯下降，尤其點心與日間有差異，食物温度也控制得不太好，個人覺得散叫好過食放題。還好是現場座無虛席，難得晚市食飯幾有氣氛。片皮鴨、伊麵、燒腩仔、白灼蝦、任點飲品酸菜魚、湯羮、炸物、奶皇糕放題餐牌每人包半隻乳鴿，雖然唔太熱但味道尚可。燒腩也可以，炸鮮奶可以不叫。黃金蝦球上菜時熱辣辣（限1份）片皮鴨每次2份，放題好處係人少少唔洗食咁多件花膠羹（左）和海皇羹（右）正常發揮甜酸肉义燒同雞一般、炸蠔（上）可以唔叫燒賣有啲散，跟茶市唔同伊麵係全晚最熱同好味嘅，炸豆腐淋咗桂花糕正常

本身我地5個人去食，落單既時候個樓面話送點心，然後遞左張點心紙俾我地，咁我地就係張點心紙上面揀左個，樓面即刻收左幫我地落左（成張點心紙我地淨係剔左一個點心，而且成程姐姐望住我地寫）食食下佢突然上左個小食（雞翼）俾我地，我地就話我地無剔過，佢地樓面既同事收返碟雞翼之後，佢地既女經理就過左嚟，遞左岩岩提到果張點心紙俾我地睇背面（小食果格係點心紙背面），但我地根本無剔都無留意到原來後面俾人剔左雞翼果格，然後女經理就話「5個人係送小食」，我地已經覺得奇怪，同女經理講「我地食唔到，唔要，同埋你地同事話係送點心」，但女經理同我地講「如果唔要個雞翼，個點心都係會照計錢」所以我地都諗住算啦，照要個雞翼啦咁去到我地就嚟要走果陣，個雞翼都未到，我地其中一個朋友就睇下佢地張傳單啦，發現3-5個人根本係送點心，而唔係佢地女經理所講送小食，咁我地就叫佢地樓面問啦，樓面個姐姐同我地講「經理已經幫你地改左」我地就理所當然咁覺得佢地cancel左個雞翼，幫我地減左一個點心既錢，就走左去俾錢啦俾錢既時候收銀果個同我地講「你地要free小食既話要加返一位茶錢，因為6個人先會free小食」咁我地即時對單，就同佢講話我地無食

諗住一家三口試下呢間中菜, 點知真係中哂伏, 我地6：44分 叫左三樣餸, 一個薑蔥焗生蠔,一個帶子海皇豆腐煲,仲有一個係一蚊嘅飯餸,有文昌雞有乳鴿同埋翅選擇,咁我哋叫咗乳鴿,結果最快都係乳鴿上枱,仲上埋啲白飯,之後就慘喇,足足等了一小時,7：45分之後先再上一個帶子海皇豆腐煲, 基本上我啲白飯都已經凍到硬曬！！再過多15分鐘, 即係由頭到尾足足等咗一小時15分鐘先至上咗薑蔥焗生蠔, 職員解釋話入面得六個廚師,唔夠人做嘢, 其實喺我哋食客角度, 我點會理你入面有幾多個廚師, 我只會理我有冇飯食,有冇嘢食落肚, 同埋有個肥肥哋嘅男職員,第一次叫佢追單嘅時候,態度惡劣,叫咗一句等陣先之後都冇處理過,之後覺得自己奶嘢,到上枱嘅時候好好禮貌,睇嚟d職員都做到情緒不穩！

打完波去海麗邨雲海匯食海鮮餐（$348），叫咗蟶子（4隻），唔算大，過下口癮，配叉燒，唔掂☹️，金銀蛋莧菜，一般，4人可叫特價$1文昌雞半隻，雞🐓都滑，不過斬雞碎骨多。茶☕️位$15x4，飯🍚$15x3，酸菜$15。都坐得舒服，有位，6成滿

係優惠訂購平台買左個見龍餐888,另加一，茶水，一行五人，要好努力先食得哂味道唔錯，龍蝦伊面兩隻小龍蝦，片皮鴨粉皮也好多，酸辣魚夠未，鴨肉生菜包有特色，係個浸蔬菜一般，服務員也不錯，沒有硬銷其他新年糕點盤菜之類，唯一美中不足是隔涉，由長沙灣公園要行15分鐘，西鐵南昌站就比較近，食得滿意，應該下次聚會再去。

1:30左右黎到酒樓飲茶，叫左個四寶飯先因為阿爺肚餓。然後差唔到2:00職員就放左疊下午茶紙，我就畫左4個點心啦比個女經理啦，點知個女經理話：你係呢張台啊，唔叫得。然後我話要等到2:00正先可以？佢話係你呢張台唔叫得。請問咩意思呢？我呢張台唔叫得係指下午茶要2:00打後入座既人先叫得？如果係咁，1 你無同我解釋清楚；2 你就唔好放下午茶紙係我台度令人誤會啦；3 我未見過有酒樓好似雲海匯咁唔比人叫下午茶。 最後我當然就唔繼續幫襯啦，就一個飯+茶位費走人，個酒樓有錢都唔賺都幾好笑，多得個女經理。如果唔係貪唔洗等位，我一向都係去開富昌邨個間半島漁港。經過呢次，雲海匯以後唔會再黎，拉入黑名單！老闆睇到既話檢討下自己既員工培訓同經營手法。

The environment is quite neat here, and the quality of dim sum is quite nice, having a enjoyable and full lunch hereTurnip Cake is pretty soft, but i think not hard to make a good one, my mommy did well lately haaFried Dace Fish balls in Eggplant is well cooked but a bit of oily Fried Seasame ball is my favorite dim sum haa, this one adding some red bea pastes insides, tasting niceFried dough in Rice noodle roll is one of my favorite breakfast in my childhood, the taste is good here, soft rice n

這是一個難得休假的午餐之前總是想吃點心不過家附近似乎沒有點心店今天好像被聽到內心話語我們一起飲茶吧就這樣去了茶樓因為太久沒跟他一起飲茶忘記每次都是在下點餐的好吧來找菜食～先是在下的木耳黑色食物就是我的特別喜好爽爽的微酸帶辣絕對是開胃菜的不二之選然後是他喜歡的蘿蔔糕以前都沒為意蘿蔔糕裡面有火腿和蝦米在下要小心吃慢慢挑也沒想到在下也會有這般挑食的一日然後一份燒茄子總是要配著魚肉哈哈 幸好不吃的只有我被挑出來的食物就辛苦你了也謝謝你願意幫在下清理食餘🤣不過如果茄子能再熟點入味點會更開心在下很重口味的重口味完就吃碟清菜細心的一碟師傅把菜芯對半切雖然沒有完全切斷但我們都覺得很貼心事實上一整條真的不容易吃特別對於老人家和小孩這點真的值得加分最後一份甜品芝麻「湯圓」一咬下去很驚喜中間的是流心芝麻會有爆醬的感覺如果是新鮮和暖暖的一定超讚👍🏻而且他也是滿喜歡的對啊 還有一個肉骨茶腐竹卷這個 有肉嗎？肉骨茶是肉？可惜的是我們除了飽外在下對魚肉味也有點反感只吃了皮而他也只吃了一條有點浪費了或許點五碟也足夠多喝點茶解膩吧總括而言服務正常環境正常出品中上氣氛良好難怪總是有客人等入座是可以回頭的茶樓啊

屋企人鐘意食片皮鴨 不過出面食都好貴上網見呢間酒樓有做外賣自取片皮鴨不過要係Kkday訂 (非廣告)睇d人評價同d相又幾好 試試佢！京式片皮鴨 ($168)有24片 包手工烤餅、京葱條同青瓜條有埋2盒醬 份量夠4-6人食呢個價錢估唔到隻鴨都幾靚當然片得唔會有出面貴嘅咁好但攞到番屋企皮仲熱仲有脆脆地😯個烤餅夠薄 配埋醬同配菜 口感好豐富性價比高 呢個質素過下口癮都好抵！加左$30要埋個鴨殼 仲有勁多肉！可能做一個餸送飯食添！👍🏼