Video
Read full review
2022-07-26
25 views
近排疫情又嚴重咗啦😔 有時都唔想出去食太多，所以如果可以外賣返屋企嘅就最好啦！呢間川菜店係連鎖嘅，主打特色嘅麻辣開胃小食同埋麵食，價錢十分公道之餘，味道都唔錯👍🏼👍🏼傳統風味手工涼皮($26) - 之前以為涼皮係透明嘅粉皮，但原來佢比較似粗嘅刀削麵，係白色嘅麵質，口感都係煙煙韌韌同埋彈牙嘅😀 傳統嘅風味會配有花生，少量肉碎同埋黃豆，撈埋我揀咗嘅BB麻辣醬好惹味😋串串鍋 ($38) - 如果你係自己一個人食嘅叫個串串鍋就最啱，形式就類似迷你嘅麻辣打邊爐咁，每樣配料都有一串，加埋好似有成八樣嘢。我最鍾意食係豆腐串，索晒全部麻辣燙好入味🌶重慶酸辣粉($25) - 本身朋友想嗌傳統涼面，但見重慶酸辣粉係期間限定，就叫嚟試吓。同一般見到嘅重慶酸辣粉一樣，都有基本嘅花生芫荽麻辣配料，配上薯粉，味道中規中矩，但只係買$25性價比就幾高👍🏼👍🏼一口粟米豚肉雲吞 ($40/20粒) - 舖頭名叫得做熊貓小雲吞，咁我梗係要試吓佢哋嘅小雲吞啦🤣 雲吞細細粒做到一口嘅感覺，但入邊嘅餡都絕不馬虎，粟米好甜而且豚肉份量都唔少，食入去啖啖肉🤓 湯底有六款俾你揀，有辣有唔辣，如果已經叫咗幾樣麻辣嘅食物就可以揀返清湯清
傳統風味手工涼皮($26) - 之前以為涼皮係透明嘅粉皮，但原來佢比較似粗嘅刀削麵，係白色嘅麵質，口感都係煙煙韌韌同埋彈牙嘅😀 傳統嘅風味會配有花生，少量肉碎同埋黃豆，撈埋我揀咗嘅BB麻辣醬好惹味😋
串串鍋 ($38) - 如果你係自己一個人食嘅叫個串串鍋就最啱，形式就類似迷你嘅麻辣打邊爐咁，每樣配料都有一串，加埋好似有成八樣嘢。我最鍾意食係豆腐串，索晒全部麻辣燙好入味🌶
重慶酸辣粉($25) - 本身朋友想嗌傳統涼面，但見重慶酸辣粉係期間限定，就叫嚟試吓。同一般見到嘅重慶酸辣粉一樣，都有基本嘅花生芫荽麻辣配料，配上薯粉，味道中規中矩，但只係買$25性價比就幾高👍🏼👍🏼
一口粟米豚肉雲吞 ($40/20粒) - 舖頭名叫得做熊貓小雲吞，咁我梗係要試吓佢哋嘅小雲吞啦🤣 雲吞細細粒做到一口嘅感覺，但入邊嘅餡都絕不馬虎，粟米好甜而且豚肉份量都唔少，食入去啖啖肉🤓 湯底有六款俾你揀，有辣有唔辣，如果已經叫咗幾樣麻辣嘅食物就可以揀返清湯清清腸胃啦😌
麻辣鮮嫩手撕雞($35)
孜然椒麻炸雞翼 ($35/5隻)
除咗即食食品之外，舖頭都有售賣各款四川醬料，鍾意食辣嘅我都唔執輸買咗一包麻辣雞煲醬返屋企，到時買返隻雞就可以自製雞煲啦😀 開咗之後到時再寫食評同大家分享😇
Post
