Video
Read full review
2024-06-19
128 views
內地熱門嘅「遇見小麵」係黃埔天地奇妙坊開設咗香港首店，全國有近300間分店，遍佈北京、上海、廣州、深圳等多個城市架🤩可以試到地道川渝風味。佢哋嘅菜單仲好全面，食物有辣有唔辣，個個都啱🤓辣方面特設四層辣度選擇，包括微辣、重慶辣、霸道辣同魔鬼辣，可以根據個人喜好挑選辣度，非常貼心！▫️紅碗豌雜麵 鎮店招牌一定要叫嚟試，面頭鋪咗勁多配料，店內有介紹要先將麵同配料撈30秒再食，麵條好入味，麵質都幾爽口，呢一種麵喺香港真係第一次見，幾特別😚▫️小酥肉蕃茄湯麵 朋友唔食辣野，呢個蕃茄湯麵就啱曬佢。小酥肉份量好多，新鮮炸起卜卜脆，浸喺湯度一齊食仲正😆▫️ 天府鴨血小鍋冒菜 小鍋冒菜有4款，我哋揀咗鴨血。鍋底有超多配菜，包括薯粉、豆乾、蓮藕、娃娃菜，配料索曬啲湯，越食越辣好過癮▫️鍋巴土豆 有得揀辣定唔辣，揀唔辣嘅話就會比蕃茄醬，薯仔粒食落好香夠曬惹味不得不提呢度嘅份量都幾多，我就食唔晒一碗麵🤣呢個價錢可以話性價比超高吖❗️
佢哋嘅菜單仲好全面，食物有辣有唔辣，個個都啱🤓辣方面特設四層辣度選擇，包括微辣、重慶辣、霸道辣同魔鬼辣，可以根據個人喜好挑選辣度，非常貼心！
▫️紅碗豌雜麵
鎮店招牌一定要叫嚟試，面頭鋪咗勁多配料，店內有介紹要先將麵同配料撈30秒再食，麵條好入味，麵質都幾爽口，呢一種麵喺香港真係第一次見，幾特別😚
▫️小酥肉蕃茄湯麵
朋友唔食辣野，呢個蕃茄湯麵就啱曬佢。小酥肉份量好多，新鮮炸起卜卜脆，浸喺湯度一齊食仲正😆
▫️ 天府鴨血小鍋冒菜
小鍋冒菜有4款，我哋揀咗鴨血。鍋底有超多配菜，包括薯粉、豆乾、蓮藕、娃娃菜，配料索曬啲湯，越食越辣好過癮
▫️鍋巴土豆
有得揀辣定唔辣，揀唔辣嘅話就會比蕃茄醬，薯仔粒食落好香夠曬惹味
不得不提呢度嘅份量都幾多，我就食唔晒一碗麵🤣呢個價錢可以話性價比超高吖❗️
Post
