Cafe Fabulous

Open Now

Now Closed

唔得閒煮飯嘅日子，又要幫襯外賣🥴。今次試下旺角嘅樓上cafe。經foodpanda外賣自取有優惠，$190.8就有份豐富嘅二人餐。.🍴二人套餐🍴配兩款小食、兩款主食及兩杯紅茶或綠茶.🍽黑松露焗野菌野菌以本菇同雞髀菇為主。醬汁嘅黑松露味道較淡，但食落唔太濃唔太膩，剛好掩蓋到菇菌腥味。.🍽芝士雞翼經過烤焗後雞肉依然多汁。食落有少少甜味，感覺似蜜糖BBQ醬多啲。.🍽黑椒牛仔骨配薯蓉牛仔骨以黑椒同rosemary調味，味道唔錯。薯蓉夠creamy，表面仲有唔少煙肉碎。.🍽黑松露軟殼蟹意粉軟殼蟹好大隻，而且香脆可口。醬汁嘅黑松露味道頗濃，而且稀稠度啱啱好，每條意粉都掛到汁。