船長意法日餐廳 (Closed)

元朗人唔洗去到好遠都有好野食！哩句話應該聽過唔少市區人講。我哩個元朗人今次就帶你地黎到西菁街搵食啦！石鍋醬燒豬軟骨珍珠飯… 上枱時仲聽到吱吱咋咋聲就知有幾熱啦！豬軟骨入哂味，肉質鬆軟易咬，軟骨咬落卜卜脆午餐仲配麵豉湯、炸芋丸添！船長海鮮茄茸燴天使麵…好多海鮮呀！大蝦、青口、蜆、魷魚圈、帶子仔、蟹柳…天使麵煮得剛好，每條麵都索哂茄茸汁，正芝士香芒烤雞焗手打烏冬…面頭鋪左好多芝士，烤雞肉質嫩嫩的，烏冬煙韌，配上芒果汁感覺好新奇，鐘意試新野既不妨試下喇。白酒汁煮珍珠蜆…粒粒蜆都好鮮甜冇沙！用白酒煮原來係咁夾，仲有好多菇菇都一樣咁夾嫁！蒜香牛柳粒…一上枱就聞到佢陣牛香味～肉質好淋嫩！食落醃味唔重，反而食到牛味喎！仲有同埋d洋蔥炒真係好惹味。菠蘿什果梳打、紫貝天葵白桃特飲…食飽飽飲番杯凍飲啦！菠蘿既清新，白桃既就好fruity好甜，飲完涼透心呀！叫左咁多野，每人都係一百蚊左右，食到好飽好滿足😋食完岩岩到下午茶時間。