菲菲麵館 (Closed)

今晚要到觀塘office 開會、放工順便約了姐姐在附近工廈試試新野。之前已來過The Wave 數次、原來一樓剛開了間泰菜和車仔麵。想簡單吃碗麵、就揀了菲菲麵館。裝修簡單卻富有色彩、牆上的graffiti 加上旁邊一列高桌、感覺新潮帶點玩味。餐牌選擇真有夠多的、車仔麵、越式湯河、各款小食、連原隻龍蝦湯麵都有！最後還是選了久違的芝士撈丁。芝士汁燒豬頸肉紅腸撈公 $58曾經吃過灣仔著名的芝士撈丁覺得芝士汁太杰、好膩。想不到這裡的芝士汁濃度剛好、不會太厚身、拌勻公仔麵後每麵條掛「芝」度不錯、而且店主說用上兩三款芝士打成、難怪芝士香味十足。燒豬頸肉亦帶點焦香、肉質爽滑juicy。手拍青瓜 $28 大大碟好抵食、青瓜亦醃得微辣爽脆。招牌大雜燴 $42 有齊豬紅、魚蛋、豬皮、生菜、牛栢葉、魷魚、豬腸、雞翼尖、份量十足、有機會再嘗兒時的味道。特別牛肉湯河 $62牛骨湯底好濃、有好重牛肉味、湯河尚算滑、牛丸夠彈牙、牛筋、牛腩都入味、整體不錯哦。