船長意法日餐廳 (Closed)

呢幾日嘅天氣真係熱到不得了，都唔想出去遠嘅地方食飯，近近地去左呢間船長日法意餐廳。餐廳裏面嘅裝修都幾別緻，以不同船嘅圖案，配件黎做裝飾，仲有一束束嘅大吊燈，感覺唔錯。而餐廳空間感都幾大，卡位多，可以坐得鬆動d,不過個衞生就爭少少，特別係個洗手間😣呢度食物嘅種類都幾多，價錢又唔貴，我地叫左2個主食，3個小食，2杯特飲，（食物種類太多，不知不覺就叫左咁多😥）但都只係$300，食到飽飽，超級抵食。龍蝦汁香煎龍脷柳配日本帆立貝多數龍脷柳都有雪藏味，但呢個冇乜。肉質偏軟腍，一切開就散左，略嫌煎得唔夠，而且龍蝦汁味道鹹左少少。個意粉好好食，有香濃番茄味，而意粉軟硬適中。板燒澳洲肉眼扒配煙肉紅酒汁 肉眼扒唔會太老，肉夠厚亦多肉汁。加上煙肉紅酒汁，成塊肉眼扒更加惹味，唔會太濃，味道剛好。爆脆雞翼 雞翼香脆惹味，外層卜卜脆，好似炸雞快餐店嗰d,肉質鮮嫰唔會乾和風炸蝦餅 豬喜歡呢個蝦餅，因為冇諗過咬落有蝦味，唔太濃味，點埋沙律醬食，非常配。椒鹽魷魚鬚 用左個金屬籃子載住，好可愛，魷魚好新鮮，咬落唔會韌，食到椒鹽味，唔會太鹹。乳酸梳打特飲入口感覺係益力多既乳酸味道，酸酸甜甜幾開胃，唔會太甜，重點係，超消暑，