Video
Read full review
2023-06-14
58 views
今晚去土瓜灣食西餐! set dinner價錢由二百幾到三百幾不等，如果想配飯/意粉都只係加$10，不過除非你好大食，如果唔係我覺得唔加都好夠飽😂見到包三樣前菜以為份量會好少，點知相反!!每人仲有個餐包配一個好入味嘅牛油，再加一份手掌咁大嘅蒜蓉多士，鐘意食包就應該會好滿足。今日個餐湯係熱辣辣嘅蘑菇湯，都算濃味，而嗰焗蠔比我想像中大隻，雖然寫住參巴醬焗蠔不過係唔辣嘅，而且超多芝士鋪係上面。 其中一個main course我地揀咗秘製香草燒雞，嗰醬汁非常入味，而最驚喜係個燒雞好夠淋好易切開兩個人share，我地一下就食曬😆三文魚外觀煎得幾靚，不過略嫌多咗少少油去煎，對我地黎講有少少膩。如果乾身少少再去點佢嗰vodka butter sauce就應該更好食。難得係配菜份量都好足又好食，唔會好似有啲西餐咁啲蔬菜好乾身又細份。我地一路食侍應都不忘一路幫我地清走啲空碟，上菜速度亦啱啱好，唔會太慢/太急。 食到一半我地就叫咗嘢飲，佢個drink menu都好多選擇，特別係唔同嘅茶類飲品，都只係需要補返差價就可以跟set叫。洛神花玫瑰茶解膩又健康，啱曬女仔飲。佢用咗嗰透明茶壺加埋蠟燭係底坐熱，唔驚啲茶
見到包三樣前菜以為份量會好少，點知相反!!每人仲有個餐包配一個好入味嘅牛油，再加一份手掌咁大嘅蒜蓉多士，鐘意食包就應該會好滿足。今日個餐湯係熱辣辣嘅蘑菇湯，都算濃味，而嗰焗蠔比我想像中大隻，雖然寫住參巴醬焗蠔不過係唔辣嘅，而且超多芝士鋪係上面。
其中一個main course我地揀咗秘製香草燒雞，嗰醬汁非常入味，而最驚喜係個燒雞好夠淋好易切開兩個人share，我地一下就食曬😆三文魚外觀煎得幾靚，不過略嫌多咗少少油去煎，對我地黎講有少少膩。如果乾身少少再去點佢嗰vodka butter sauce就應該更好食。難得係配菜份量都好足又好食，唔會好似有啲西餐咁啲蔬菜好乾身又細份。
我地一路食侍應都不忘一路幫我地清走啲空碟，上菜速度亦啱啱好，唔會太慢/太急。
食到一半我地就叫咗嘢飲，佢個drink menu都好多選擇，特別係唔同嘅茶類飲品，都只係需要補返差價就可以跟set叫。
洛神花玫瑰茶解膩又健康，啱曬女仔飲。佢用咗嗰透明茶壺加埋蠟燭係底坐熱，唔驚啲茶凍曬。茶入面都好足料，好飲又啱曬影相。侍應仲好細心見我地剩返少少茶就幫我地refill，下次應該會試埋其他茶飲🥰🥰
甜品有兩個泡芙，反而我覺得甜品就無主菜咁出色，不過前面食到已經好飽所以都未必食得落更大份量嘅甜品。
整體黎講性價比好高!!每人二三百蚊就食咗好多款式嘅嘢食，而且地方坐得舒服唔會太逼，聽講佢地父親節仲有新menu!! 大家快啲去book位啦!!
Post
