兩合海鮮火鍋飯店

Open Now

Now Closed

朋友介紹黎食，睇價錢覺得幾抵食，平時大排檔一個小菜大概一舊水，呢度平均七、八十。環境算坐得闊落，位唔會勁迫。最驚訝係呢度都用手機落單，好先進😂.砵仔雞蛋焗魚腸 - 一見到有呢個食就即叫，因為唔算好多地方有得食。呢個同平時食開有少少唔同，如果唔鐘意芫茜的話就唔好叫，因為佢都重芫茜。整體味道ok, 魚腸都多，蛋味都濃。.滷水鵝腸拼墨魚 - $138黎講有啲貴，份量唔多，下層全部都係芽菜。味道舖淡，但鵝腸都幾多膏，墨魚就較薄片。.方魚肉碎粥 - 大大窩，肉碎幾香.韭菜豬紅 - 不過不失，偏油，韭菜少咗啲。