光榮冰室 (鴻威大厦)

Open Now

Now Closed

光榮冰室旺角店午市一向非常熱鬧，可能因為價錢親民，今時今日午餐五十幾至六十幾蚊可以食到你捧住個肚走，真係好難得。既然今次唔駛排隊，就去幫襯支持一吓。首先介紹最著名嘅雞扒三眼仔飯（$62），呢個飯最適合要練大隻，吸收大量蛋白質嘅朋友。我就揀咗配秘製豉油加蔥油汁，用嚟撈飯一流。美中不足係有兩隻蛋黃爆咗，唔係我就中意就咁成隻蛋黃吞。另外一個飯就揀左雞髀炒蛋飯（$60）炒蛋都幾滑，可惜雞髀應該係雪藏貨，煎炸完好似仲有一陣雪味。整體而言，如果肚餓去一定夠飽夠滿足，但唔同菜式質素唔同，真係要試過先知。