泰基隆

Open Now

Now Closed

門面好細唔多起眼，但係原來入到黎座位寬闊舒適，仲要有圓枱位，可大班朋友一齊黎，有BB車都唔緊要，都夠位放。星期日路過，一家入黎食，冇諗過仲有午餐，價錢好抵，都係五十幾蚊，仲送洛神花或青檸水。泰式金邊粉好好味，唔會太辣搶晒其他味，亦唔會甜到好漏，各種味道配合得好好，食材味出晒，自己手揸小小青檸汁，酸酸甜甜好開胃。值得推介！海南雞飯好清新，雞夠滑，黃飯好入味，粒粒米都包倒黃油，但成個飯唔油，雞味濃。正！泰式乾炒河都唔錯，好多料，但食到一半先記得影相。值得讚賞係老闆同員工好友善，好主動會問客人需要，如要唔要碗仔分、冷氣夠唔夠，好有禮。見隔離枱應該係常客，仲會主動打下招呼，好溫情，難得香港有咁好嘅服務態度。一定會再回頭，係一間可以encore嘅泰菜餐廳！