圍威喂 (荃灣廣場) (Closed)

前兩日和朋友逛荃灣廣場，見到一間餐廳名好得意，名為圍威喂嘅泰式餐廳，見到餐牌有好多新式嘅泰國菜式，便決定入內食晚餐，點咗三款泰式食品，落單後好快就上菜喇。青咖喱豬頸肉青咖喱和椰汁好香濃又唔會太辣，件件厚切嘅豬頸肉夠嫩有咬口，加入豆角、粟米芯，茄子等配菜，豐富口感之餘份量足料。😋 圍威喂泰式脹卜卜蟹肉奄列 蟹肉有鮮味，奄列裏面除咗有蟹肉之外，仲有豆角粒和洋蔥，增加口感，奄列嘅蛋皮煎得甘香唔油膩仲分量十足👍圍威喂炒金邊粉，炒得好有鑊氣，金邊粉條條分明，味道酸酸甜甜，大量嘅雞肉嫩滑唔嚡口，蝦肉爽口彈牙，額外灑上辣椒碎和花生粒，更添惹味😋。本來還想叫多個小食，但怕食唔晒，唯有等下次啦😄