紅橋 (Closed)

今日同friend放工後黎左呢到食西餐，呢到都好多人排隊，排左一陣先入到去。首先叫左個鮮茄大蝦香草意粉，同埋配有紫薯忌廉湯。個意粉上枱嘅時候成隻大蝦放喺意粉上面，真係好吸引呀，意粉嘅茄味濃郁，仲有香草增加意粉香味，意粉嘅價錢都唔係好貴，十分抵食呀。而個湯都好好飲，第一次飲紫薯味嘅忌廉湯，真係好特別。我本身都冇話特別鍾意紫薯，佢嘅紫薯味唔會好重，唔太鍾意食紫薯嘅人都唔需要擔心。忌廉湯好香，味道亦好濃郁。