純寿司 (Closed)

純壽司多數食壽司都係去連鎖既舖頭，上次係元朗食過發現唔錯，今次司令就試沙田尼間純壽司。晚餐時段超級多人等位，司令都等左60個號碼先入得😫。 同元朗相比，元朗比較高檔，尼間比較似板長個種，兩間menu亦有少少差別。上菜速度非常快，五分鐘左右就陸續到齊。壽司款式都多，三文魚腩好新鮮好好食，吞拿魚蓉手卷食落夠香冇根，encore左幾個。熟食方面亦唔錯，其中炸芝士薯蓉波非常有驚喜，一咬落去芝士漏曬出尼啊，仲有一樣司令覺得好好食既係蒜香三文魚軍艦，真係做到好有蒜香好新奇，可惜冇影到相😟。另外係尼到食蛋糕唔需要切餅費，員工仲自動自覺幫大家收碟換新碟，最重要係唔貴，司令五個人食只係每人$130左右，非常抵讚。