반찬앤쿡 Banchan and Cook (東薈城名店倉)

Open Now

Now Closed

今晚同frd黎食呢間韓式cafe。佢嚐食套餐都幾抵食，3個主食，甜品再包2杯野飲。menu有2個都係蛋包飯所以我地揀左肉醬牛胸肉蛋包飯。個蛋包飯好豐富，炒飯底有香滑嘅蛋包，上面再鋪滿多汁嘅肉醬同牛胸肉。醬汁香濃，蛋好滑，店員負責切開，同時會比你打卡。墨汁大蝦魚籽意粉都唔錯。個意粉彈牙，墨汁醬汁好濃。大蝦有4隻，配上魚籽增添咗口感同層次感。 個嘴會食到黑曬。最鍾意係炸雞拼盤。呢款拼盤有三款不同口味嘅炸雞，分別係甜辣、蜜糖同柑橘。炸雞皮炸得香脆，肉質鮮嫩多汁。甜辣味道帶有微辣同甜味嘅平衡，蜜糖味道香甜滋潤，而柑橘味道清新開胃。拼盤上仲有年糕，外脆內軟，滿足對碳水嘅慾望。最後，甜品係Oreo慕絲蛋糕。好可愛嘅賣相，有d紅蘿蔔 然後oreo係扮泥所以個羹係好似個泥鏟。慕絲質地滑順，味道濃郁。上面鋪滿嘅Oreo碎粒增添咗層次感同口感。