八月茶室 (新港中心)

Open Now

Now Closed

今晚想食吓川辣小炒, 尖沙咀嘅高級川菜館都唔少, 當然消費會比較高。位於廣東道新港中心有間八月茶室, 是港式茶餐廳又有粵菜和川辣小菜, 價錢平民化, 地方闊落舒適。餐點好多選擇, 揀了川辣小炒和粤式家常菜式。加$12可配中西例湯和白飯, 中式老火湯夠曬火候, 羅宋湯亦好濃郁。酸菜炒肥腸 味道相當醒胃, 蒜頭豆豉零舍惹味, 酸菜爽脆鹹香, 加上肥厚香滑嘅豬大腸, 送飯一流。湖南小炒肉香噴噴鑊氣十足, 尖椒, 葱和唐芹等辣, 還有豆豉香味, 肉片好滑溜, 不肥又不膩。沙茶牛肉炒菜心牛肉好滑溜, 菜心新鮮清甜, 沙茶醬汁不會太濃。中式牛柳牛柳大件厚滑, 肉質夠腍容易咬開, 燴以中式茄汁好入味。炸小饅頭細細粒有六個, 外脆內軟, 配埋煉奶就更好味。