味江南 (Closed)

下午3點幾，去尖沙咀探朋友，咁啱撞正佢食飯時間，陪佢食飯，帶左我嚟呢到食，呢到嚟得既都係熟客，而且呢個時間嚟食既全部都係sales，一嚟到已經見到有周大福，Chanel，Dior既職員，仲有一枱應該係打嚟book位兼叫定嘢食，人未到已經上定菜，不過有蓋蓋住，而且2,3分鐘後佢地就到，一坐低就有得食，啱晒爭分奪秒既佢地。星期一至五每日有一個特價餸，外賣自取仲有8折，呢個價錢而家出面真係好難搵，仲要佢味道雖然唔算得上好好食，但一d都唔差，中規中矩，而且份量都唔會好小。你叫一個餸仲跟一罐汽水，例湯（雖然有味精），白飯（可選菜飯，不另收費），最後仲有糖水送，而且冇加一收費，真心抵。呢d食堂如果唔係有人介紹或帶你嚟根本唔會知，仲要係上樓。