味江南 (Closed)

作為一個愛”呷醋”的女人, 上海菜絕對係我既最喜愛菜色之一。好友介紹，傳統味道但又會搞搞新意思既味江南，就試下佢有幾好食😛人小小，點左個雞絲粉皮，小籠包，同埋必點蟹膏炒糯米飯。說實話，粉皮正正常常，冇驚喜，雞絲仲食到小小冰鮮雞味，不過不失。小籠包是滿心期待但就有點失望，即蒸夠熱，多汁，可惜皮唔夠簿，餡料調味偏淡，加上大量醋就岩哂啦！期待爆標的蟹膏炒糯米飯，上菜見到熱氣騰騰已經流哂口水，大大嚿燈色蟹膏炒軟糯的糯米飯，呢個配答係無得彈！

之前同一大班朋友黎過，我覺得啲食物質素好高，而且富有傳統嘅味道，好明顯廚師係高手所以所有小菜同食物都非常好食，可能地點問題，未必好多人知，所以上次黎其實都冇乜人。今次黎到都係得三枱，其實呢啲咁嘅懷舊式高質小店真係要多多支持如果唔係傳統小菜就會失傳。今次同屋企人一齊嚟食，其實都叫咗好多餸，冇張張都影到相呢個黃金蝦球真係好好味蝦球大大舊，外面炸到脆卜卜，而且係用鹹蛋黃炸既鹹蛋黃味好香，但係又唔會好油，啲蝦大大隻又爽又新鮮，呢個真係好好食石斑魚大概有八塊左右，每人有一大塊，魚非常新鮮，食落去魚質非常有質感，又厚肉，配埋個湯酸酸地風味十足家鄉蔥油餅，芝麻味香濃，而且蔥油味都好香，大大塊唔算好油，但係就食完好飽牛肋排冇諗過咁大舊，而且份量都好多，牛肋條先幫你砌好，都幾厚，牛肉味香濃，個汁好特別，好味糖醋排骨，我去親呢啲中菜廳都會叫，因為我覺得好好味酸酸甜甜，而且排骨又唔肥，我鍾意呢種味道牛肉餅可以話係一口牛肉餅，細細舊，入面一咬啲牛肉汁就咇哂出嚟，個皮就硬咗少少，呢個普普通通。另外嗌咗瑤柱蛋白炒飯，呢個炒得好好，啲飯乾身，而且有蛋白香，清清哋，唔錯金桂欖蓉露係免費送嘅，話係呢度自家製嘅，味道好特

我們其中一位同事是一位識飲識食之士，所以每隔二至三個月就會跟她一起去「食好西」，今晚她就帶我們一行九人去了位於尖沙咀的味江南。別看我們全是女仕，我們一共點了12款菜（包括了涼菜）：1. 風味醬黃瓜2. 脆皮冰豆腐3. 秋茄四季豆4. 雪菜咸肉粉皮5. 老上海燻魚6. 墨魚籽燻蛋合桃7. 四川樟茶鴨8. 蜜汁烤雙方9. 火焰醉翁蝦10. 星班片酸菜11. 生炒糯米羔蟹12. 高力豆沙我個人最喜歡就是當晚的魚、蝦和蟹。火焰醉翁蝦侍應會在你面前將那些「紥紥跳」的蝦倒進一個已經盛載了玫瑰露的煱裡，好讓那些蝦「飮」飽酒，跟著再拿一個Gas爐在我們面前即席烹調醉蝦，頓時火光虹虹，酒味粉香撲鼻，由其是蝦頭是充滿酒香味，蝦新鮮又彈牙，同事的好介紹。生炒糯米羔蟹這一碟菜式也是令你停不了口，糯米飯混合了蟹羔提高了鮮味，每隻蟹不單有好多羔也很有肉，平常也很害怕外出吃蟹，因為怕麻煩，但今晚實在忍不住口，用手拿著蟹慢慢嘴嚼，好好享受那些肥美的羔蟹。星班片酸菜今晚的星班好新鮮也很大條，但絕對不「嚡」口，星班片好滑，配上酸菜，非常醒胃，令人不自覺地吃多咗。其餘的菜式也不令人失望，每個人都飲飽食醉，酒樓還送上金桂欖蓉

今日有人請食飯~哈哈~ 因為有親戚生日~2家人帶埋爺爺一齊食飯~呢度食江南菜~ 有D 都未試過, 有新鮮感~砂鍋雲吞雞半隻 $158, 個雲吞皮有D厚~ 雞肉都滑既, 一黎就已分好每位上~四川樟茶鴨一隻 $300, 呢個一開始訂位時已留起左~屋企人好鍾意食, 不過我就麻麻呢道菜, 我都係LIKE 烤鵝多D~清炒野生河蝦仁  $208, 呢個好味呀! D 蝦唔明點解可以咁細粒..真係除殼都考功夫啦~ 細細粒好滑~ 好易食~生炒糯米羔蟹. $488, 呢個有成隻蟹, 我就嫌太少糯米飯喇~~~不過成個飯好香~~ D 飯索哂D 蟹味, 超入味又唔會過鹹~~~ 正! 樑溪脆鱔 $98 脆卜卜, 我鍾意食咁煮既鱔多過饅魚個款食法.. 因為呢個唔會再有碎骨~送酒一流~窩貼,. $6件. $72,  普通野~小籠包8粒. $80, 都係必叫既野食..紅油炒手 6件.$48, 呢個又幾抵食, 同埋佢個皮夠薄又滑, 好味過雲吞~奶油津白. $88 跟住有好特別既甜品, 送既有金桂欖蓉露, 好特別第一次食.又幾好味~唔會好甜又幾香咁~再叫左擂沙湯丸同高力豆沙~ 好圓滿既一餐~

10個人食咗5個套餐，1個炒飯，炒年糕，紅油抄手，小籠湯包同煎餃。套餐好抵食，佢包白飯，餸，茶，湯同糖水。d餸都好大碟，又好味。上菜速度極快。食咗咁多嘢每人都係60蚊！

下午3點幾，去尖沙咀探朋友，咁啱撞正佢食飯時間，陪佢食飯，帶左我嚟呢到食，呢到嚟得既都係熟客，而且呢個時間嚟食既全部都係sales，一嚟到已經見到有周大福，Chanel，Dior既職員，仲有一枱應該係打嚟book位兼叫定嘢食，人未到已經上定菜，不過有蓋蓋住，而且2,3分鐘後佢地就到，一坐低就有得食，啱晒爭分奪秒既佢地。星期一至五每日有一個特價餸，外賣自取仲有8折，呢個價錢而家出面真係好難搵，仲要佢味道雖然唔算得上好好食，但一d都唔差，中規中矩，而且份量都唔會好小。你叫一個餸仲跟一罐汽水，例湯（雖然有味精），白飯（可選菜飯，不另收費），最後仲有糖水送，而且冇加一收費，真心抵。呢d食堂如果唔係有人介紹或帶你嚟根本唔會知，仲要係上樓。

一行三人，LUNCH 三個肥妹去食味江南 ，尼間我地成日都去食，份量又足夠，岩曬大食既我。我地三個人叫咗牛仔骨，海蝦，同埋雞丁，首先講下牛仔骨先，夠重口味，又有汁，送飯一流。其次係海蝦我地叫既係椒鹽味，好野味，食完一隻又想食多隻，最後係雞丁，辣度岩岩好，吾會太辣。落單其間，落單哥仔問我地三個靚女洗吾洗少飯，我地三個同一時間講，吾洗！！！！！最好多飯呀吾該！！！

家中長輩生日飯，選擇了這間聽名字就知係老派風味的餐廳。原本只係想簡單一餐，連相片都係隨便影作為生活記錄，沒想過驚喜處處，所以便心思思開acc上來開post分享（很多都忘記問菜名）。前菜 - 左至右脆素鵝 - 無機會食因爲上菜一會就清光薰魚 - 量小，但與一般出面硬掘掘的薰魚完全不同，皮脆內軟，改變了我對薰魚的印象紅哲頭 - 比較特別，它外形上比較掛汁，爽脆口感再加辣香油，很過癮醬黃瓜 - 我最欣賞的前菜（但忘記影相），很入味，比較甜，可解辣主菜火炎蝦 - 用酒在客人面前將生蝦浸醉，再用火燒，酒的苦和蝦的甜，對比強烈。生炒糯米蟹 - 聽說是招牌菜，和我想像不同，說到炒蟹一般都是炒辣/薑蔥，這道菜是食蟹羔.... 啖啖羔蟹燈色蟹羔連埋糯米放入口，非常香酸菜魚 - 魚很滑，加埋咸酸菜會有種令你停唔到口的魔力。同台共9人中有4個平時都不愛吃魚，但今日竟然清光這條兩斤半的斑...（忘了菜名）- 很香，廚師講解是本地新鮮雞，不錯辣子炒羊肉 - 事關小弟唔食羊，但親友強力推介下食左舊。羊蘇味係有.... 但口感非常好，又脆又多肉汁。豆沙軟餅 - 比較乾身，唔會太甜甜品 - 有桂花香，很清新

青木瓜味道帶酸，前菜黎講真係幾開胃。小籠包皮薄多汁，湯汁鮮甜，肉餡有口感，黑醋味道太搶，薑絲份量過少。紅燒肉肥瘦相間，入口唔會覺得太過油膩，味道濃郁賣相都非常好，入面仲有豆類製品，吸收哂醬汁既味道。砂窩雲吞雞（半隻）會由店員直接分好送上，剩既會放係枱到，店員見到你想添加亦會主動幫忙，雲吞數量都幾多，湯底覺得落得太多鹽太咸。豆沙煎軟餅依個甜品就完全唔得，薄薄一片，外層有小小脆，食落完全無豆沙味，成碟就係煙煙韌韌，無咩特別既味道。

冇位又話執緊抬，等左成半個鐘原來啲人未走，最衰既係 自己漏單 黎少個送，我地埋單先發覺，佢竟然話冇得取消，要我硬食個送拎走，仲屈話係制作需時，其實個送只係豆腐，佢一發覺係漏單先即刻係入面裝出黎、如果我唔係趕時間一定同佢地爭論到底，野食就麻麻啦。總之間野服務同管理都係垃圾，唔好浪費時間金錢去

We went for dinner for 5people the other night. Only had 3 other tables. Food wasn’t that great. Especially the deep fried fish fillet...it was really over cooked. We also ordered a full chicken, and vegetable in sweetened cream milk and a soup. The soup was the best dish. Dessert was disappointing too. Their red bean pancake ...the red beans was way too thin. Staff was friendly though and helpful like the old fashion way. We enjoyed the quiet atmosphere the most !

女侍應服務好好，食物好唔好食就見仁見智，只係成餐飯最唔明點解個侍應可以踢我張椅子可以踢左4次，咁大個人第一次食餐飯比人踢4次椅子，係唔係特登我唔知，但踢咁多次唔好意思一句都冇都唔緊要喇！而且每一次踢到我，我都連人帶椅整前d唔想阻到你，但係如果你覺得我阻到你你可以直接同我講，但唔需要經過一次踢一次，踢到我火到黎埋，最終我都係忍，後尾我連人帶椅係貼住旁邊個朋友，咁你無理由再踢到我啦。最後我想講我比錢入黎食野唔係入黎比人踢架，你食物就算再好，但有一個咁既態度員工，你比錢我都唔會再黎食！

聽朋友講呢間野唔錯，幾好食。所以提前幾日已經打咗電話book枱，所以唔使等位已經可以入席菜名唔記得，但係係魚，用甜酸嘅味道帶出與嘅鮮味，好特別。同埋用了非常新鮮，食落唔會腥，甜酸味令到胃口大開雞絲涼皮呢碟前菜如果唔用佢所比嘅花生醬就淡而無味，但係雞絲口感唔錯，唔似係冰鮮雞醉酒伴蝦呢碟餸有師傅係你枱前面即場表演，由於用酒嘅方法去整帶出酒味蝦嘅鮮味，好鮮甜又有酒味辣子雞辣子雞我好鍾意食嘅一碟餸，辣味非常之夠！唯一不足之處就係炒得非常乾，同埋好多都係冇乜肉炒糯米飯呢個飯非常香，食落又唔會覺得好肥膩，真係好好食炒涼皮味道幾特別上海小籠包鄙薄喊靚，食落去入口即溶嘅感覺，大力推薦呢碟餸甜酸味均勻，都係令到人哋越食越想食瑤柱芥菜

我整體說話不多但想讚他們真的很好的雖然佢晚市無乜客（只有兩枱客）但服務員沒有偷懶或唔見人影全時間良好服務及建議，沒有躲在一旁玩手機或傾偈！認真一讚食物方面也很好、小籠包皮薄汗多、鴨舌份量非常滿足好吃、酸辣湯我反而覺得有點浠。酸菜豬肚、茄子四季豆、鎮江排骨、雞絲粉皮我覺得也很好最後我們四人在很飽足的情況下結賬離開

自上次到訪已經有一年多，這家小店位於商廈樓上，午餐定位48-68，包湯、小菜、白飯、飲品同甜品，感覺都幾豐富。酸菜鯇魚片$48這道菜都幾好味，是用上湯浸煮的，估唔到鯇魚片可以唔腥，而魚肉大大片，肉質仲好滑溜！配上酸菜，酸酸地，十分醒胃。紅焼獅子頭$65這道菜有兩個大大的獅子頭！獅子頭肉質軟稔，應該在肉中混和了豆腐，吃的時候，在肉味之中又有一些豆腐的味道，加上濃濃的醬汁，真的好下飯。湯：感覺有點味精的味道，由於是送的，也不能要求太多了。而菜飯（加$3）是有味的，菜的份量唔少，可是由於餸菜味道濃，好像配白飯更為恰當。馬蹄露十分清甜，馬蹄爽口，很適合夏天。奶茶（加$5）這奶茶很濃，味道帶澀味，飲罷舌頭也鞋掉了。若果喜歡濃油赤醬，這家店子應該會是你杯茶，若果好似我比較喜歡清淡的，也許試一次便好了。