Domon 居酒屋 (淘大商場3期) (Closed)

淘大花園商場既餐廳不嬲都多選擇，每次行過都有新選擇，近來開左一間札幌居酒屋- Domon分店，日本料理食物選擇夠多又好食，唔係只得刺身壽司，好多款式都值得一試。海老惠方卷 $68由炸海老、蟹柳、青瓜、黃瓜同玉子包而成既卷物非常好味，炸海老夠晒鬆脆，配合青瓜黃瓜減低熱氣感，沾埋沙律醬就超級好味。芝士海老脆脆 $48一份四件既海老脆脆有d似炸雲吞，裡面充滿海老即係蝦肉，每件炸得金黃香脆，沾埋芝士醬汁口感一流。燒免治雞肉棒 $42免治雞肉肉厚又嫩滑，燒得面頭金香，但裡面仍保持嫩滑。燒秋葵 $28本身我不大喜歡秋葵裡面滑散散既質感，但燒秋葵令到秋葵變得比較乾身，又有益又好味。燒粟子薯 $28粟子薯一串有三粒，名附其實，燒薯味道完全粟子，但係薯仔質地，口感不錯。火山石清酒煮花蛤 $68一鍋有六大隻花蛤，每隻花蛤肉厚新鮮，配合清酒煮，清酒味帶出花蛤更鮮甜，火山石能保持鍋既熱度，食到最後湯底全清，十分好味。醬燒豚丼 $68豚丼份量啱一至二人，飯唔多但豚肉好多，豚肉醬油燒，帶點肥既豚肉好香，又夠厚，配合醬汁有點甜味，絕對推介。